Композитор Грант Григорян төрөөбүтэ 100 сыла бэлиэтэннэ

Комментарии Спорт и культура

Поделиться:

НВК САХА – Муус устар 13 күнүгэр Саха сирин улуу музыканын уонна композиторын Грант Григорян төрөөбүт күнүгэр Дьокуускайга Норуоттар доҕордоһууларын дьиэтигэр “Грант Григорян нэһилиэстибэтэ” диэн ааттаах музыка дьоро киэһэтэ буолан ааста.

“Армения күннээх хочотуттан эн биһиги Хоту сирбитин туойа-айхаллыы кэлбитиҥ, күөрэгэй”, – диэн саха народнай поэта Эллэй хоһоонун киниэхэ анаабыта.

Грант Григорян аатын кытары саха муусукатын култуурата саҥа кэрдиис кэмҥэ тахсыбыта. Кини сахаттан бастакы идэтийбит композитор Марк Жирков батыһааччытынан буолбута. Ол курдук Марк Жирков олохтообут саха муусукатын ускуустубатын бары эйгэтин: музыкальнай фольклору хомуйууну, үөрэтиини, композиторскай маастарыстыбаны уонна үөрэтии үлэтин салгыы сайыннарбыта. Григорян “дьиэрэтии” уонна “дэгэрэҥ” көрүҥнэригэр дириҥ интонационнай өйдөбүлү киллэрбитэ.

Улахан кэнсиэргэ композитор айымньыларын национальнай үҥкүү оркестра, Хатас орто оскуолатын кэлэктиибэ, дьахталлар “Кэрэ куо” ансаамбыллара, “Тойук” фольклорнай ансаамбыл о.д.а. толордулар.

Дьоро киэһэни биир дойдулааҕа, талааннаах худуоһунньук Сони Палоян хартыыналара ситэрэн, киэргэтэн биэрдилэр.



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

4 × 4 =

ЛЕНТА НОВОСТЕЙ