«Креативнай» индустрия регионнааҕы валовай бородууктаҕа улахан кылааты киллэриэн сөп

Комментарии Спорт и культура

Поделиться:

НВК САХА – «Креативнай» индустрия регионнааҕы валовай бородууктаҕа улахан кылааты киллэриэн сөп. Култуура бэйэтин суолун салгыы тэлэн баран иһиэ уонна Саха сирин ону тэҥэ дойдуну сураҕырдыа диэн Ил Дархан эбээһинэһин быстах кэмҥэ толорооччу Айсен Николаев «Россия 24» ханаалга иһитиннэрдэ.

«Сахавуд» мин хараҕым далыгар тэриллибитэ. Араас омук аныгы киинэни уһулааччылара, тыһыынчанан сыллар усталарыгар түмүллүбүт саха норуотун култууратын киинэ хайдах көрөллөрүн киинэҕэ устан көрдөрөллөр. Бу түмүгэр дойдуну эрэ буолбакка, аан дойдуну сөхтөрөр, соһутар уонна кэрэхсэтэр хайысха үөскээбит», – диэн Айсен Николаев эттэ.

Эдуард Новиков уһуллубут «Тойон кыыл» киинэтэ Москватааҕы киинэ бэстибээлигэр сүрүн бирииһи ылбытын Айсен Николаев санатан эттэ. «Москватааҕы киинэ бэстибээлин сүрүн бирииһин ылбыт «Тойон кыыл» киинэни 3 мөл солкуобайга устубуттара. Онон аан дойду таһымнаах киинэни устарга элбэх харчылаах буолуон оннугар, талааннаах уонна дойдуга тапталын күүстээх буоллаҕына, устуохха сөп эбит диэн өссө биирдэ дакаастыыр», – Айсен Николаев тоһоҕолоон эттэ.

 

Источник: сайт телеканала «Якутия 24».



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

семнадцать + девять =

ЛЕНТА НОВОСТЕЙ