Өктөмҥө уу кутталлаах таһымы аһаран, уустук балаһыанньа турда

Комментарии Главные новости

Поделиться:

НВК САХА – Өктөмҥө халаан уутунан сибээстээн ыксаллаах быһыы-майгы биллэриллибитэ үһүс күнүгэр барда. Манна билиҥҥи туругунан, уу таһыма 5 миэтэрэ 40 см тэҥнэстэ, кутталлаах таһым – 4 м 80 см. 156 тиэргэн уу анныгар сытар, 76 олорор дьиэ. Быстах кэмҥэ олорор пууннарга  79 киһи олохсуйда. Бу туһунан Хаҥалас оройуонун баһылыгын солбуйааччы Федор Ноговицын иһитиннэрдэ.

“Бэҕэһээ, ыам ыйын 15 күнүгэр, уу таһыма кутталлаах таһымҥа чугаһаабыта. Онон 3 тыһыынчаттан тахса кумахтаах куулу кутан, быһыттары бөҕөргөтөр үлэлэрин ыыппыппыт. Ону таһынан манна 10-тан тахса улахан тиэхиньикэ үлэлээбитэ. Ол эрэн бу сарсыарда 6.30 чаас саҕана уу быһыппытын алдьатта”, – диэн этэр.

Салгыы халаан уута суолу быспыт учаастактарга мотордаах тыынан сырыыны хааччыйыахтаахпыт диэн эбэн эттэ. –фа

 



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

1 × 4 =

ЛЕНТА НОВОСТЕЙ