«Култуура» национальнай бырайыагынан Намнааҕы оҕо ускуустубатын оскуолатыгар саҥа тэриллэри аҕаллылар

Комментарии Спорт и культура

Поделиться:

НВК САХА – Намнааҕы оҕо ускуустубатын оскуолатыгар “Култуура” национальнай бырайыак иитинэн саҥа оборуудабанньа кэллэ. Бу туһунан СӨ култуура министиэристибэтин пресс-сулууспата иһитиннэрдэ.

Оҕо ускуустубатын оскуолатыгар 420 оҕо үөрэнэр, олортон 88 оҕо худуоһунньук салаатыгар уһуйуллар.

“Нам сэлиэнньэтин оскуолатын кылаастарыгар 730 тыһыынча солкуобай суумалаах сэттэ интерактивнай дуоска, аҕыс ноутбук уонна сэттэ проектор кэллэ”, – диэн иһитиннэриигэ этиллэр.

Балаҕан ыйа бүтүөр диэри бу оскуолаҕа музыкальнай инструменнар, миэбэллэр, саҥа паарталар, стеллажтар, мольбертар, үҥкүү кылаастарыгар сиэркилэлэр уо.д.а. кэлиэхтээхтэр. Оҕо ускуустубатын оскуолатыгар уопсайа 6 мөлүйүөн солкуобайтан тахса суумалаах тэрил атыылаһыллыахтаах. Ону таһынан, манна Благовещенскайтан музыкальнай инструменнары, тыас-уус, уот-күөс оборуудабанньаларын аҕалыахтаахтар.

“Биһиги оскуолабыт өссө түөрт филиаллаах. Музыкальнай салааны таһынан, баян, фортепиано, домбра, духовой инструменнар, үҥкүүлүүр, уруһуйдуур, фольклорнай кылаастар бааллар”, – диэн оскуола дириэктэрэ Алексей Афанасьев иһитиннэрдэ.

“Култуура” национальнай бырайыак иитинэн 2019 сылга Саха сирэ федеральнай хааһынаттан 172 мөлүйүөн солкуобайы ылыаҕа. Бу үбүнэн-харчынан Дьокуускайга 1 уонна 2№-дээх оҕо ускуустубатын оскуолаларыгар, Намнааҕы, Ньурбатааҕы, Майатааҕы, Орто Халыматааҕы, Черскэйдээҕи уонна Нерюнгритааҕы оҕо ускуустубатын оскуолалара музыкальнай инструменнарынан, үөрэнэр кинигэлэринэн, анал оборуудабанньанан хааччыллыахтара. Ону таһынан Музыка коллеһа эмиэ саҥа оборуудабанньаны ылыа.

Бу харчынан Горнай улууһун Дьиикимдэ сэлиэнньэтигэр уонна Уус Алдан Сыырдааҕар култуура дьиэлэрин тутуутун бүтэриэхтээхтэр.

 



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

четырнадцать + 19 =

ЛЕНТА НОВОСТЕЙ