«Култуура» национальнай бырайыакка 113 млрд солкуобайтан тахса көрүллүө

Комментарии Спорт и культура

Поделиться:

НВК САХА – “Култуура” национальнай бырайыак бырагыраамаларыгар федеральнай уонна эрэгийиэннэр бүддьүөттэриттэн  113, 5 млрд солк көрүллүө. Бу туһунан РФ бырабыыталыстыбатын сайтыгар национальнай бырайыактар тустарынан тахсыбыт матырыйаалларга суруллар.

“Култуура” национальнай бырайыак тэрээһиннэрин уопсай бүддьүөтэ 113,5 млрд  солкуобайга тэҥнэһэр. Ол иһигэр федеральнай бүддьүөттэн – 109,7 млрд солк, РФ субъектарын бүддьүөттэриттэн 3,8 млрд солк көрүллүөхтээх. Кураторынан вице-премьер Ольга Голодец, салайааччынан култуура миниистирэ Владимир Мединскэй ананнылар.

Национальнай бырайыак РФ бэрэсидьиэнин ыйааҕын чэрчитинэн оҥоһуллар. Манна үс федеральнай бырайыак киирсэр: “Култуура эйгэтэ”, “Айар-тутар дьон” уонна “Сыыппара култуурата”.

Бастакы бырагыраамаҕа ордук элбэх харчы ирдэнэр – 84 млрд солк. Бырайыакка 39 култуура сайдыытын киинэ тутулларыгар, култуура эйгэтигэр 1,8 тыһыынча үөрэх тэрилтэлэрин хааччыйыы, тыа сиригэр 526 култуура тэрилтэлэригэр хапытаалынай өрөмүөн уонна тутуу, 600 автокулуубу атыылаһыы, 660 муниципальнай бибилэтиэкэлэри тэриллэринэн хааччыйыы, 1,2 тыһыынча киинэ саалатыгар тэриллэри атыылаһыы уонна 40 эдэр көрөөччү тыйаатырдарын өрөмүөннээһин киирэллэр.

 



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

пятнадцать − четырнадцать =

ЛЕНТА НОВОСТЕЙ