Кытайга Саха сирин гааһа тиийэрэ 10 ыйы кыайбат кэм хаалла

Комментарии Общество и политика

Поделиться:

НВК САХА – Чайаҥдаттан  «Сибиир күүһэ» гаас ситиминэн Кытайга Саха сирин гааһын тиэрдиини бэлэмнииллэр.

Бырайыак олоххо киириэр диэри 10 ыйы кыайбат кэм хаалла. Бу сыл балаҕан ыйыгар боруобалаан холбуурга былаанныыллар. Оттон бырайыак 2019 сыл ахсынньы 1 күнүгэр чопчу олоххо киириэхтээх.

Бүгүҥҥү күҥҥэ Чайаҥдаҕа инфраструктура сүрүн суолталаах  эбийиэктэригэр уопсай тутуу үлэтэ түмүктэнэн эрэр. Ол иһигэр гааһы кэлимник бэлэмнииргэ үлэ ыытыллар, сүрүн технологическай оборуудабанньаны таҥаллар.

Маны таһынан гаас туһаныллар скважиналарыгар дьөлө үүттээһини ыыталлар. Онуоха бырайыагынан көрүллүбүт  335 скважинаттан 144 скважинатын үүттээтилэр. «Сибиир күүһэ»  сүрүн ситимҥэ холбонор гаас утаҕын тутууну түмүктээтилэр. Билигин олоҕу хааччыйар эбийиэктэри тутуу түмүктүүр түһүмэххэ кэллэ.

 



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

семь − 6 =

ЛЕНТА НОВОСТЕЙ