Өлөөҥҥө хороҕор муостааҕы үксэтэллэр (ВИДЕО)

Комментарии Экономика и сельское хозяйство

Поделиться:

NVK-ONLINE.RU – Тыйыс тымныы кыһыннаах, кылгас сайыннаах Хоту дойду сиригэр ынаҕы сүөһүнү тутар судургута суох дьарык. Зоркиннар дьиэ кэргэн быйыл сайыҥҥыттан саҕалаан ынах тутар буоллулар.

Биир сайын иһигэр отторун оттоон, алта да 12-лээх 10 төбө сүөһү батар хотонун тутан, даллаан, сайынын ынах ыыр титириктээн үгүс үлэни көрсүбүттэр. Ыал аҕата Өлүөхүмэттэн төрүттээх Афанасий Зоркин оҕо эрдэҕиттэн ынаҕы кытта улааттааҕым дии диэн күлэр. Хоту сиригэр Харыйалаахха күтүөттээн кэлбитэ уонтан тахса сыл буолла, бэйэтин төрүт дьарыгынан эбии дохуот киллэринэр санаалаах.

Оттуурга оройуон баһылыга үбүнэн, хотон туттарга нэһилиэк баһылыга матырыйаалынан күүс-көмө буолбуттар. Ыал ийэтэ Анна Зоркина төрүт Харыйалаах кыыһа ынах ыырга дьэ үөрэнэр. Хотонноох ыал хайыы үйэ нэһилиэк дьонун үрүҥ аһынан хааччыйаллар.

Зоркиннарга хотон көрүүтүгэр сиэн бырааттара көмөлөһөн абырыыллар. Сүөһү көрүүтүн үлэтигэр сыһыаран үөрэтэллэр. Хотоҥҥо ынаҕы эрэ буолбакка, өссө кууруссалар, кроликтар да бааллар. Хотон анныгар сугун уга элбэх буолан кроликтар аһыы эрэ тахсаллар диэн хаһайыттар кэпсииллэр. Өссө да дьиэ кыылын элбэтэр санаалаахтар.

Саҕалааччы урбаанньыт диэн граҥҥа тиксэн, ынахтарын атыыласпыттара. 7 төбө сүөһүнү, ол иһигэр биир оҕуһу кыстаталлар. Эдэр ыал былааннара өссө да элбэх, сүөһү ахсаанын элбэтэн Өлөөн улууһун үрүҥ аһынан хааччыйар санаалаахтар.



Поделиться:



Добавить комментарий

Ваш e-mail не будет опубликован. Обязательные поля помечены *

семь − 1 =

ЛЕНТА НОВОСТЕЙ