Өлүөнэ эбэ мууһа урукку сыллардааҕар эрдэ устуоҕа

Комментарии Общество и политика

Поделиться:

НВК САХА – Күнү-дьылы билгэлээччилэр сабаҕалааһыннарынан,Саха сиригэр Өлүөнэ мууһа 2 — 5 хонугунан эрдэ эстиэҕэ. Ленскэй уонна Өлүөхүмэ улуустарыгар ыам ыйын 5 — 11 күннэригэр, Өлүөхүмэ куорат аннынан ыам ыйын 11 — 13, Покровскай — Дьокуускай — Кангаласс учаастагынан ыам ыйын 14 — 19 күннэригэр, Сангаар бөһүөлэгинэн ыам ыйын 19 — 21 күннэригэр устара күүтүллэр диэн ыксаллаах быһыы-майгы министиэристибэтин пресс-сулууспата иһитиннэрэр.

Уу ресурсаларын федеральнай ааҕыныстыбатын Өлүөнэ сүнньүнээҕи ууга управлениетын чахчыларынан, былырыын 65 учаастакка 670,8 га иэннээх сири хараардыбыттара, оттон 12 учаастакка 77 км усталаах мууһу эрбэппиттэрэ. Халаан уута этэҥҥэ ааһарын туһугар, сыллата өрөспүүбүлүкэ өрүстэригэр мууһу хараардыы, эрбээһин үлэлэрэ тэрээһиннээхтик ыытыллар.

Мууһу кэбирэтии үлэлэрин управление 2006 сылтан, Россия Ыксаллаах быһыыга-майгыга министиэристибэтин үнүстүүтэ бигэргэппит ньымаларын туһанан ыытар. Быйыл саас, эмиэ урукку сыллар курдук, 68 учаастакка 670,8 га сири хараардыахтара уонна 12 учаастакка 77 км мууһу эрбэтиэхтэрэ. Туһааннаах үлэни ыытыыга быйыл федеральнай бүддьүөттэн 30 мөлүйүөн 776 тыһыынчаттан тахса солкуобай көрүллүбүт.



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

15 − девять =

ЛЕНТА НОВОСТЕЙ