Өлүөнэ өрүс мууһа бу күннэргэ Эдьигээҥҥэ кэлэрэ күүтүллэр

Комментарии Общество и политика

Поделиться:

НВК САХА – Өлүөнэ өрүс мууһа Эдьигээн улууһугар икки-үс күнүнэн күүскэ устуо. Бу туһунан гидрометеорология уонна тулалыыр эйгэни кэтээн көрүү управлениета иһитиннэрэр.

Өлүөнэ өрүс Витим – Мача учаастагар уу таһыма сууккаҕа 0,2 – 0,8 миэтэрэ эбиллэр. Өлүөхүмэ уонна киин улуустарга уу түһэр, сууккаҕа уу таһыма 0,2 – 0,5 миэтэрэ намтыыр.

“Өлүөнэ өрүс мууһун алын кирбиитэ Кэбээйи улууһугар бэлиэтэнэр, Эдьигээн гидропоһун таһыгар муус хамсаата, уу суукка иһигэр 2 миэтэрэ эбилиннэ. Бу күннэргэ муус барыа, ол нуорматтан икки-үс күн эрдэ”, – диэн иһитиннэриигэ этиллэр.

Алдан өрүскэ Томпо улууһун Охотскай Перевоз гидропоһун таһыгар уу таһыма үрдээн турар, 1167 см тэҥнэһэр, ол нуорматтан 2,7 миэтэрэ үрдүк уонна былырыыҥҥытааҕар 0,8 миэтэрэ намыһах. Бу күннэргэ Хаандыга- Кириэс Халдьаай учаастакка уу 5-10 см эбиллэрэ күүтүллэр.

Бүлүү өрүс устун уу таһыма намтыыр, сууккаҕа 0,2 – 1 миэтэрэ көҕүрүүр.

Дьааҥы өрүскэ Үөһээ Дьааҥы улууһугар муус хамсыыр, сууккаҕа уу 0,2 – 0,6 миэтэрэ эбиллэр. Биир-икки күнүнэн муус устара күүтүллэр.

Индигирка өрүс мууһун алын кирбиитэ Муома улууһугар бэлиэтэнэр. Абый улууһун Белай Гора гидропоһугар муус хамсаата, биир-икки күнүнэн өрүс эстиэ.

Халыма өрүскэ ыам ыйын 23 күнүгэр Орто Халыма куораттан 67 км аллара дэлби тэптэрбиттэрэ. Ыам ыйын 24 күнүгэр 10.00 чаастааҕы туругунан, уу таһыма 1241 см буолла, ол кутталлаах кирбииттэн 41 см үрдүк. Бу күннэргэ уу таһыма намтыыра күүтүллэр.

Халыма өрүс мууһун алын кирбиитэ Орто Халыма оройуонугар бэлиэтэнэр, бу күннэргэ Аллараа Халыма Колымскай гидропоһун таһынан муус хамсыыра күүтүллэр.

 



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

двенадцать − десять =

ЛЕНТА НОВОСТЕЙ