Өлүөнэ өрүс мууһа Кэбээйи улууһун Сангаар бөһүөлэгин аннынан хойуутук устар

Комментарии Общество и политика

Поделиться:

НВК САХА – Өлүөнэ өрүс мууһун алын кирбиитэ Кэбээйи улууһун Сангаар бөһүөлэгин аннынан бэлиэтэнэр. Бу туһунан гидрометеорология уонна тулалыыр эйгэни кэтээн көрүү Саха сиринээҕи салалтата иһитиннэрдэ.

“Ыам ыйын 20 күнүгэр 16.00 чааска Сангар бөһүөлэгиттэн 30 км аллара дэлби тэптэрдилэр, онон муус харыыта ааста, муус уһунна. Харан турар кэмигэр уу таһыма 1134 см этэ, кутталлаах кирбииттэн 16 см намыһаҕа”, – диэн биэдэмистибэ сайтыгар этиллэр.

Өлүөнэ өрүс Витим – Ленскэй учаастагар сууккаҕа уу 0,2 – 0,8 м эбиллэр. Аллараа сүүрүгүнэн Өлүөхүмэ уонна киин улуустарга уу 0,1- 0,3 м түһэр, муус сэдэхтик устар.

Эдьигээн бөһүөлэгин таһынан Өлүөнэ өрүс учаастагар уу сууккаҕа 0,7 м эбиллэр. Манна ыам ыйын 25-26 күннэригэр муус барара күүтүллэр, ол 2-3 күн эрдэ. Өрүс тамаҕар бэс ыйын саҥатыгар муус устара күүтүллэр.

Алдан өрүскэ Алдан оройуонугар ыам ыйын 20 күнүгэр халаан уута саамай эбиллэн турар кэмэ этэ, онно уу таһыма нуорматтан 1,0-1,5 м үрдүгэ.

Ыам ыйын 22-24 күннэригэр Уус Маайа улууһугар 5 – 10 см эбиллэрэ күүтүллэр, оттон Томпоҕо – 10- 20 см. Өрүс уута кутталлаах кирбиигэ тиийиэ суоҕа.

Амма өрүс уута сууккаҕа 0,3 – 0,6 м түһэр. Бүлүү өрүс Кириэстээх – Үөһээ Бүлүү учаастагар уу таһыма сууккаҕа 0,2 – 0,3 с түһэр, Бүлүү куоратын аннынан 1,4 м түһэр.

Бүлүү өрүс мууһун алын кирбиитэ Кэбээйи улууһун Хатырык-Хомо гидропоһун аннынан бэлиэтэнэр.

Үөһээ Дьааҥы улууһугар Яна өрүс уута сууккаҕа 5 – 25 см эбиллэр. Муус көтөҕүлүннэ.

Верхоянскай – Сайдыы учаастагар ыам ыйын үһүс декадатыгар муус устара күүтүллэр.

Биир-икки суукканан Үрдүк Кумах гидропост таһынан Адыча өрүскэ муус хамсыыра күүтүллэр.

Индигирка өрүс мууһун алын кирбиитэ Муома улууһугар бэлиэтэнэр, онно ыам ыйын 21 күнүгэр Хонуу бөһүөлэгин таһыгар түөрт күн иннинэ муус устубута.

Абый улууһун Белай Гора бөһүөлэгин таһынан ыам ыйын 25-26 күннэригэр муус устара күүтүллэр.

Халыма өрүс мууһун алын кирбиитэ Орто Халыма куоратыттан үөһэ бэлиэтэнэр.

 



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

пять × 3 =

ЛЕНТА НОВОСТЕЙ