Ленскэй улууһугар суол саахалыгар икки киһи эмсэҕэлээтэ

Комментарии Горячая линия

Поделиться:

НВК САХА – Ленскэй-Мииринэй трассатын 70-с км суол саахала буолбут, онно икки киһи эмсэҕэлээтэ.

Быһылааны илэ хараҕынан көрбүт киһи эппитинэн, Toyota Camry Gracia массыына суоппара утары өттүгэр тахсан,  Volvo массыынаҕа кэтиллибит.

“Ыксаллаах быһыы сулууспалара ааннарын кэлэн арыйбыттар уонна эмсэҕэлээбиттэрэ бастакы көмөнү оҥорбуттар”, – диэтэ.

Тойота массыына суоппара уонна онно олорсон испит киһи эмсэҕэлээтилэр. Уолаттар иккиэн төбөлөрүн уҥуоҕа эмсэҕэлээн, реанимацияҕа киирбиттэр. Биирдэстэрэ тоноҕоһун уҥуоҕа тостубут. Кинини Дьокуускайга нейрохирургияҕа санрейсинэн ыыппыттар.

“Олунньу 10 күнүгэр сарсыарда сэттэ чааска Дьокуускайга санрейсинэн ыытыллыбыта. Иккис эмсэҕэлээбит туруга ыарахан, Ленскэйдээҕи улуустааҕы балыыһа хирургия отделениетыгар киирдэ. Эмсэҕэлээбит дьоҥҥо туһааннаах медицина көмөтө оҥоһуллар”, – диэн эрэгийиэн доруобуйа харыстабылын министиэристибэтин пресс-сулууспатыгар эттилэр.

 



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

восемнадцать − 8 =

ЛЕНТА НОВОСТЕЙ