Ленскэйгэ баһаар буолбут олорор дьиэттэн 25 киһини таһаартаабыттар

Комментарии Криминал и происшествие

Поделиться:

НВК САХА – Ленскэй, Мэҥэ Хаҥалас, Алдан оройуоннарыгар олорор дьиэҕэ уонна гаражтарга баһаар буолла.

Саха сиринээҕи МЧС пресс-сулууспата иһитиннэрбитинэн, Ленскэйгэ биэс этээстээх олорор дьиэ бадыбаалыгар баһаар буолан, 10 квадратнай миэтирэ эмсэҕэлээтэ. 25 киһини дьиэттэн таһаартаабыттар. Баһаар уоту сэрэҕэ суохтук туттубуттарыттан тахсыбыт буолуон сөп. Билигин буруйдааҕы уонна хоромньуну быһаарар үлэ ыытыллар.

Ону таһынан Ленскэйгэ бу күн чааһынай гаражка баһаар буолбут. Баһаарынайдар уоту умулларан, гараж улаханнык эмсэҕэлээбэтэх.

Өссө биир гараж Мэҥэ Хаҥалас Төхтүрүгэр умайда. Гараж иһигэр турбут «Toyota Corona» массыына эмиэ умайбыт. Сабаҕалаан этэллэринэн, уоту сэрэҕэ суохтук туттубуттарыттан баһаар тахсыбыт буолуон сөп.

Бөөлүүн түүн Алдан куоратыгар эмиэ гараж умайда, ол түмүгэр истиэнэтэ уонна үрдэ эмсэҕэлээтэ. Уот ситимиттэн быһылаан тахсыбыт буолуон сөп.  –ай/кс

 



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

восемь + 17 =

ЛЕНТА НОВОСТЕЙ