Ленскэйгэ киһи өлүүлээх суол саахала буолла
Поделиться:
НВК САХА – Ленскэй улууһугар “Витим — Талакааннааҕы ньиэп-гаас баайдаах сир” учаастак 102-с км суол саахала буолла.
“Саахал “Витим — Талакааннааҕы ньиэп-гаас баайдаах сир” учаастакка буолла. Витимтэн “Талакан” аэропорка айаннаан испит эмсэҕэлээбит дьон массыыналара улахан массыына бырысыабыгар кэлэн түспүт”, – диэн быһылааны көрбүт киһи эттэ.
Суоппар улаханнык эчэйэн, “Талаканнефть” тэрилтэ эмтиир тэрилтэтигэр тыына быстыбыт. Олорсон испит киһитэ төбөтүн уҥуоҕун эчэппит, туруга ыарахан.
Барыллаан иһитиннэриинэн, икки эмсэҕэлээбит дьон бөдөҥ бырамыысалыннас хампаанньатыгар үлэлииллэр.
Бу иннинэ Ленскэй-Мииринэй трасса 70-с км эмиэ суол саахала буолбута, онно икки киһи эмсэҕэлээбитэ.
Поделиться:
Наш Telegram
Отправляйте свои новости на горячую линию: +7(914)2734488
