“Майа ТВ” эфиргэ 25 сыл!

Комментарии От редакции

Просмотров: 84

“Саха” НКИК көрдөрөр-иһитиннэрэр хампааньа бу ааһан эрэр сылга үс филиала 25 сылларын бэлиэтииллэр. Бу күннэргэ Майатааҕы телестудия үбүлүөйдээх тэрээһинин  ыытта.

25 сыл анараа өттүгэр инникини, кэскиллээҕи ырыҥалаан көрөр толкуйдаах бырааттыы Герман, Эдуард Афанасьевтар уонна Василий Шарин олохтоох телевидение биэриилэринэн улуус олохтоохторугар көрдөрөр үлэни өрөспүүбүлүкэ улуустарыттан биир бастакынан саҕалаабыттара. Билигин “Майа” телевидениетэ биэс сүрүн үлэһиттээх. “Саха” НКИК биир тутаах филиала.  2014 сылтан айар коллективы Вячеслав Санников салайар.

slava1
« Бастатан туран, үлэҕэ киирээт, техническэй базаны тупсарарга болҕомтобун уурбутум. Үлэбин саҕалыырбар бастакынан улууспут баһылыгын бастакы солбуйааччы Павел Сазонов 2 толору кэмпилиэк, кыахтаах компьютеры биэрэн, улаханнык көмөлөспүтэ. Быйыл сүрүннүүр хампаанньабыт 2 толору кэмпилиэк камералары биэрэн, үлэ хаамыыта түргэтээтэ, уһулар матырыйаалбыт хаачыстыбата да тубуста. Онон сыл саҕаланыыта кассетаҕа уста сылдьыбыт эбит буоллахпытына, билигин аныгы таһымҥа эппиэтиир оборудованиеларынан хааччылынныбыт. Саамай үөрэрбит диэн бэйэбит транспорданныбыт. “Саха” НКИК генеральнай директора Иван Андросов быһаччы көмөтүнэн уонна өйөбүлүнэн бу баҕабыт туолла. Салгыы үлэлиир дьиэбитигэр капитальнай өрөмүөн ыытыллыахтаах. Маныаха хампаанньабыт биһиги кыһалҕабытын өйдөөн туран, үбүлүөйбүтүнэн сибээстээн 500 тыһыынчаны бэлэх уунан, үөрүүбүт хас эмэ бүк үрдээтэ. Онон “Саха”  НКИК хампаанньа уонна улууспут дьаһалтатын көмөлөрүнэн сыалбытын ситиһиэхпит дии саныыбыт”.

Үбүлүөйдээх тэрээһин чэрчитинэн “Саха” НКИК генеральнай директорын бастакы солбуйааччыта Олег Марков уонна Мэҥэ Хаҥалас улууһун баһылыга Николай Старостин бииргэ үлэлэһэргэ сөбүлэҥ түһэристилэр.

whatsapp-image-2016-12-16-at-15-45-49

Николай Старостин – Мэҥэ Хаҥалас улууһун баһылыга
« Мэҥэ Хаҥалас улууһа» МО уонна «Саха» НКИК бииргэ үлэлэһэр туһунан сөбүлэһиинэн 2005 сылтан түһэрсэн, күн бүгүҥҥүгэ диэри үлэлээн кэллибит. Ол түмүгүнэн, олохтоох телевидение биэриилэрэ нэдиэлэ ахсын тахсар кыахтаммыттара. Нэһилиэнньэ интэриэһигэр эппиэттиир аһаҕас эфирдэр, анал биэриилэр, специалистар сүбэлэрэ, улуус сонуннара, сэргэхситэр хабааннаах биэриилэр олохтоохтору сэргэхситэллэр.  Улуус, республика ыытар политикатын нэһилиэнньэҕэ сөптөөхтүк уонна кэмигэр тириэрдэр соругу тутуһан, айар коллектив биир хамаанданан, биир санаанан үлэлиир. »
Павел Сазонов – улуус баһылыгын бастакы солбуйааччы
« Бүгүн Мэҥэ Хаҥалас улууһун дьаһалтата , “Саха” НКИК Мэҥэ Хаҥаластааҕы филиалын үлэһиттэрэ Саха телевидениетын кытары бииргэ үлэлэһэрсөбүлэҥигэр олоҕуран, олоҕу кытары тэҥҥэ хардыылаан, аныгы технологиялары баһылаан, саҥа хайысхалары көрдөөһүҥҥэ үлэлэһэр. Ол курдук улуус информационнай аралдьытар сайтыгар видеоматериаллары киллэрэн, ону ааһан мобильнай сибээһинэн телефоҥҥа баар сыһыарыыларынан хачайдаан, улууспутугар буола турар быһыыны-майгыны, архивнай матырыйааллары ылан көрөр кыах баар буоларын ситиһэр баҕа санаалаахпын».

majaa2

Үйэ чиэппэрдээх үбүлүөйгэ филиал үлэһиттэрэ “Саха” НКИК, улуус салалтатыттан Бочуотунай грамоталары, махтал суруктары,  анал бэлиэлэри туттулар.

majaa4

“Саха” НКИК генеральнай директорын бастакы  солбуйааччыта Олег Марков  филиал салайааччытыгар Вячеслав Санниковка техническэй базаны тупсаралларыгар 500 тыһыынчалаах сертификат туттарда.

majaa6

majaa8

operator

majaa3

“Майа” ТВ-ны  төрүттээччи Герман Афанасьев телестудия 25 сыллаах тэрээһинигэр оруобуна үбүлүөйэ сөп түбэстэ.  Киниэхэ “Саха” НКИК аатыттан  Махтал суругу кытары кыһыл көмүс чаһы үөрүүлээх быһыыга-майгыга туттарылынна, Мэҥэ Хаҥалас улууһун аатыттан грамота, Майа сэлиэнньэтин администрацията “Дойдум барахсан” бэлиэни, төрүттээбит телестудията сахалыы быһаҕы бэлэх ууннулар.

majaa5

german
«1991 сыллаахха олунньуга табаарыспын дьиэбэр ыҥыран, идея киирбитин кэпсээбитим. Ол кэмнэргэ коммерция саҥа саҕаланан эрэр этэ. «Радио» диэн сурунаалга телевизионнай передатчикатары оҥорон атыылыыбыт диэн биллэрии көрөн телестудия оҥоруохха сөп эбит диэн санаа киирбитэ. Ол кэннэ бизнес былаан оҥордубут уонна дьэ, спонсор көрдөөһүнэ буолла. Харчыны Комсомол отдела көрөн, ыам ыйын бастакы күнүгэр передатчикпытын ыла барбыппыт. Дьэ, онтон ыла үлэбит-хамнаспыт саҕаланан киирэн барбыта.
Мин Тааттаҕа Борис Николаевич Ельцин кэлэ сылдьыбытын уһулбут дьоллоохпун дии саныыбын. Хаста да бастакы президеммиттэн, Николаев Михаил Ефимовичтан, интервью ылбыппыт. Үлэбитигэр суоппардар үлэлэрэ ыраах барарга-кэлэргэ улахан көмө этэ. Ол иһин барыларыгар махталбын тиэрдэбин.”

25 сыл анараа өттүгэр тэриллибит “Майа” ТВ студия бу сыллар тухары айар үлэ үөһүгэр сылдьар. Күннэтэ улуус сонуннарын, араас биэриилэри республика каналыгар, Саха араадьыйатыгар тиһигин быспакка көрөөччүлэргэ, истээччилэргэ тиэрдэ турар. Айар коллектив улуус олоҕун бастакынан кэпсиир, көрдөрөр кыахтааҕыттан киэн туттар.

kollektiv

Оттон “Майа” ТВ студияттан кынат анньыммыт Катерина Григорьева, Сардаана Плотникова, Алекдина Соловьева, Семен Афанасьев уонна да атыттар “Саха”  НКИК-ка айымньылаахтык үлэлии-хамныы сылдьаллар.

majaa14

majaa13

majaa12

majaa16

majaa15

majaa13

majaa15

majaa10

majaa11

majaa

 

 



Добавить комментарий

Ваш e-mail не будет опубликован. Обязательные поля помечены *