Майа ытык кырдьаҕаһа Варвара Трофимова 95 сааһын туолла

Комментарии Общество и политика

Поделиться:

НВК САХА – Майа сэлиэнньэтин бочуоттаах олохтооҕо, ССРС судаарыстыбаннай баанын, СӨ социальнай сулууспатын туйгуна, тыыл бэтэрээнэ, сэрии огдообото Варвара Петровна Трофимова 95 сааһын туолла.

70 сыл кэриҥэ бухгалтерынан үлэлээбит, 79 сааһыгар бочуоттаах сынньалаҥҥа тахсыбыт ытык кырдьаҕаска Россия бэрэсидьиэнэ Владимир Путин эҕэрдэ открыткатын, Ил Дархан Айсен Николаев, Мэҥэ Хаҥалас улууһун баһылыга Николай Старостин эҕэрдэ суруктарын туттардылар.

Варвара Петровна биэс оҕону төрөтөн, тоҕус сиэн, 18 хос сиэн, биир хос-хос сиэн эйэҕэс эбэтэ.

Кэлбит ыалдьыттары ытык киһи сүһүөҕүн үрдүгэр үөрэ-көтө көрсөн, итии чэйдээх, сандалатыгар толору астаах көрүстэ. Үлэлээбит сылларын, сэрии аас-туор олоҕун, оччотооҕу уустук кэмҥэ балыктааһыҥҥа үлэлээбитин ахтан-санаан, уйадыйан ылла.



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

один × один =

ЛЕНТА НОВОСТЕЙ