Мандар Уус: «Тимир ууһа олус уйан, нарын куттаах»

Комментарии Общество и политика, От редакции

Поделиться:

НВК САХА –  Быйыл “Дархан Уус” быыстапка 10-с төгүлүн тэрилиннэ. Тустаах быыстапкаҕа Саха сирин улуустарыттан тимир уустара мустан, бастыҥы быһаардылар. Быйылгы үбүлүөйдээх быыстапканы хаһааҥҥытааҕар да элбэх киһи көрдө-иһиттэ диэн тэрийээччилэр бэлиэтииллэр.

10-с төгүлүн ыытыллар “Дархан Уус” быыстапкаҕа Саха сирин биллэр уустара “Куруһаала” атыы-эргиэн эрээттэрин ыы-быччары толордулар. Быйылгы үбүлүөйдээх тэрээһиҥҥэ 50 тахса тимир ууһа быһаҕын тургутан көрдө.

Таатта улууһун олохтооҕо Сергей Тарабукин анаан-минээн дьоҥҥо-сэргэҕэ быһахтарын көрдөрө аҕалбыт. Кини охсубут быһаҕа ойуута-мандара эриэккэһэ бэрт буолан, дьүүллүүр сүбэ бастыҥынан ааттаата.

Ону таһынан быйылгы быыстапкаҕа бастыҥ ас уонна булт быһаҕын быһаардылар. Булт быһаҕын быһаарарга балай эмэ күчүмэҕэйдэр үөскээтилэр, ол эрэн Сунтаар Бордоҥуттан сылдьар Кирилл Петров охсубут быһаҕа “Бастыҥ булт быһаҕа” анал ааты ылан, үөрүүтэ үксээтэ.

Быйылгы тэрээһини саха норуотун түс-бас киһитэ Борис Неустроев — Мандар Уус кэлэн киэргэттэ. Кини этэринэн, тустаах быыстапка уустары эрэ буолбакка, бар дьону сомоҕолуур күүстээх буолла диэн эттэ.

“Ускуустуба ханнык баҕар көрүҥэр киһи уйан, кута-сүрэ аһаҕас буоллаҕына, оччоҕуна эрэ иэйии киирэр. Урут-уруккуттан ханнык баҕар норуокка оннук. Оттон биһиги ууһу тимир курдук көрөбүт. Онтубут олох атын – кини олус уйаҥ, нарын куттаах эбит. Ону уустар быыстапкалара, бу түмсүүлэр көрдөрөн-көрдөрөн, дьэ, дьиҥнээхтии дакаастаатылар”, – диэн “Саха” НКИХ ханаалыгар тимир ууһа, СӨ духуобунас академиятын академига Борис Неустроев – Мандар Уус эттэ.

Онон саха киһитин эрэллээх доҕоро, күннээҕи олоххо туттар быһаҕа көлүөнэттэн көлүөнэҕэ бэриллэ турарыгар бүгүҥҥү тэрээһин олук буолара саарбаҕа суох. Оччолортон кэлбит быһаҕы охсор үгэс, ньыма ситим быһыытынан эдэрдэргэ бэриллэ турдун.



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

семнадцать − восемь =

ЛЕНТА НОВОСТЕЙ