Мария Сивцева: «Ырыа Миитэрэй олоҥхолуу, Саха сирин кэрийэ барара үһү»

Комментарии Аал Луук Мас

Поделиться:

НВК САХА – Уруккута Бороҕон улууһун 2-с Өлтөх нэһилиэгин Бэйдиҥэ эбэ Сыра алааһа. Хаһан эрэ дьон-сэргэ тоҕуоруһан ааспыт дойдута, манна үлэни-хамнаһы үмүрүтэн, оҕо-уруу төрөтөн, күннээн-күөнэхтээн аҕай олорбут сирдэрэ. Ол барыта аастаҕа, сүттэҕэ. Арай, билигин ол олох кутун-сүрүн, ол кэм доллоһуйа устар ырыатын эргиччи иһийбит тоҥ муус дойдуну ириэрэр ис күүстээх олоҥхотун абылаҥнаах иэйиитин бу өтөх сэмнэхтэрэ, сиҥнэччи түспүт баҕаналара иҥэринэн аҕай турдахтара.

Бу өтөххө олорбут Ырыа Миитэрэй олоҕо, олоҥхото кулгааххар кутулларга дылы…

“Кини Бороҕон улууһун 2-с Өлтөх нэһилиэгэр Бэйдиҥэ алааска төрөөбүт киһи. Сааһын тухары онно арҕаа баһыгар кыстыктанан, илин баһыгар сайылыктанан олорбут. Оҕо эрдэҕиттэн олоҥхонон дьарыктаммыт, 17 сааһыттан олоҥхолуур буолбут. 19-с үйэҕэ аатырбыт олоҥхоһут Чочойбох Уйбаан кинини уһуйбут. Миитэрэй эдэр сааһыгар Саха сирин олоҥхолуу кэрийэ баран хаалбыт. Ханна барбыта-кэлбитэ, өлбүтэ-тыыннааҕа биллибэккэ, олус өр оннук сылдьыбыт. Тастыҥ убайа Иннокентий Говоров көмүстээх Бодойботтон булан аҕалбыт эбит”, – диэн СӨ култууратын үтүөлээх үлэһитэ, олоҥхону чинчийээччи Мария Сивцева кэпсээтэ.

Салгыы Дмитрий Говоров – Ырыа Миитэрэй туһунан “Аал Луук Мас” биэриигэ көрүҥ.

 

 



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

16 − десять =

ЛЕНТА НОВОСТЕЙ