Мэҥэ Хаҥалас Балыктааҕар саҥа таас оскуола сыбаайата түстэ (ВИДЕО)

Комментарии Образование и здравоохранение

Просмотров: 21

NVK-ONLINE.RU –  Атырдьах ыйын 16 күнүгэр Мэҥэ Хаҥалас улууһун Балыктаах бөһүөлэгэр саҥа оскуола бастакы сыбаайатын түһэрэр үөрүүлээх түгэн буолла.

Аныгы кэм ирдэбилинэн, тыа сиригэр саҥа тутуулар бараллар. Урукку мас оскуолалары саҥа, аныгылыы тииптээх таас оскуолаларынан солбуйаллар. Балыктаах бөһүөлэгэр оскуола үлэлээбитэ номнуо 70-тан тахса сыл буолан, аны 2 сылынан оскуола төрүттэмммитэ 75 сылын бэлиэтиэ.

Онон Балыктаахха саҥа таас оскуоланы бу бэлиэ түгэҥҥэ сөп түбэһиннэрэн, үлэҕэ киллэрэр сорук турар.

Балыктаахха саҥа 150 миэстэлээх таас оскуола маҥнайгы сыбаайатын түһэрэр үөрүүлээх түгэнин нэһилиэк олохтоохторо ордук көһүппуттэрэ. Бу тутуу сыбаайатын «Электромонтаж» ХЭТ тиэндэри кыайан, бу бырайыакка ылсыбыт. Онтон кэлэр 2018 сылга тутарга бэлэмин биллэрэр. Онон оскуоланы икки сыл иһигэр тутан, 2019 сылга киллэрэргэ былаан ылыныллыбыт.

«Электромонтаж» тэрилтэ – республикаҕа тутуунан дьарыктанар биллэр улахан тэрилтэ. Бу иннинэ Мэҥэ Хаҥаласка Павловскай орто оскуолатын тутуутугар үлэлээбитэ. Онон бу да тутууну хаачыстыбалаахтык, кэмигэр тутарыгар улуус салалтата, Балыктаах олохтоохторо эрэнэ күүтэллэр.



Добавить комментарий

Ваш e-mail не будет опубликован. Обязательные поля помечены *

два + один =