Мэҥэ Хаҥалас Майатыгар оҕолорго хомуһу уонна муостан харысхаллары оҥорорго үөрэттилэр (ВИДЕО)

Комментарии Образование и здравоохранение

Просмотров: 16

NVK-ONLINE.RU – «Кудай Бахсы» кыһыҥҥы лааҕыры иккис сылын Владимир Ларионов аатынан Майа орто оскуолатыгар эбии үөрэхтээһин педагога Дорҕоон Дохсун үлэлэттэ. Бу эдэр педагог «Уол оҕону төрүт үгэһинэн иитии суоллара-ньымалара» диэн бырайыагынан быйылгы кыһыҥҥы оскуолаҕа 12 уол сылдьан, хомуһу уонна муостан харысхаллары оҥоруу сатабылларыгар уһуйулуннулар.

Кыһыҥҥы оскуола быйыл икки хайысханан үлэлээтэ. Ол курдук хомуска уонна муоска оҕолор маастардары кытта 4 күн устата уһаннылар. 5 – 8 кылааска үөрэнэр уолаттар саха ууһун-мандарын, кистэлэҥнэрин, үөрүйэхтэрин эдэр маастардар сатабылларыттан көрдүлэр. Хомус ууһа Иннокентий Седалищев-Уран, муосчут Дмитрий Кузьмин оҕолорго маастар-кылаастары биэрэн, тэҥҥэ оҥорсон, уопсай үлэ түмүктээх буолла.

Кыһын киһи өйүгэр оҥорор дьоҕура күүскэ үлэлиир диэн сахалар былыр-былыргыттан этэллэрэ. Онон дьыл эргиирин туһанан, олохпут тэтимигэр сөп түбэһиннэрэн, оҕолор өйдөрүн-санааларын уһугуннарар, тарбахтарын сайыннарар дьарыктар ыытылыннылар.

Кыһыҥҥы оскуолаҕа 12 уол уһанан, эттиин-сиинниин чэбдигирдэн, бэйэлэригэр туһалаах уонна наадалаах билиини иҥэриннилэр.



Добавить комментарий

Ваш e-mail не будет опубликован. Обязательные поля помечены *

11 + 10 =