Мэҥэ Хаҥалас урбаанньыттара саҥа систиэмэҕэ киирэн үлэлиэхтэрэ

Комментарии Экономика и сельское хозяйство

Поделиться:

НВК САХА – От ыйын 1 күнүттэн эт-үүт аһы астыыр тэрилтэлэр, биирдиилээн хаһаайыстыбалаах дьон «Меркурий» диэн биир электроннай систиэмэҕэ киирэн үлэлиэхтэрэ. Мэҥэ Хаҥалас оройуонугар тохсунньу ыйтан саҕалаан хас нэдиэлэ аайы нэһилиэнньэҕэ өйдөтөр, быһаарар үлэ семинар быһыытынан ыытыллар.

От ыйын 1 күнүттэн олоххо киирээри турар «Меркурий» диэн ааттаммыт систиэмэ үлэтин саҕалыахтаах. Бу систиэмэҕэ интернет нөҥүө кэтэх хаһаайыстыбалаах дьон, тэрээһиннээх хаһаайыстыбалар итиэннэ маҕаһыннаах чааһынай урбаанньыттар регистрацияны ааһан, биир базаҕа киирэллэрэ ирдэнэр.

«Мэҥэ Хаҥаласка уопсайа 1195 «Меркурий» систиэмэҕэ логин, пароль ылла», – диэтэ оройуоннааҕы ветеринарнай управление сүрүннүүр специалиһа Анна Неустроева.

«Каракаан» магаһыыҥҥа күннэтэ сибиэһэй эт-үүт бородууксуйата атыыга тахсар. Маныаха эдэр үлэһит Лида Змиевская «Меркурий» бырагырааманан үлэлииргэ анаан-минээн үөрэннэ.

«биһиэхэ Чурапчыттан, Павловскайтан, Төҥүлүттэн үүт ас кэлэр. Маны барытын «Меркурий» киллэрэр буолабыт», – диэн «Караакаан» маҕаһыын атыыһыта Лида Змиевская этэр.

«Меркурий» систиэмэтигэр биирдиилээн нэһилиэктэргэ интернет ситимэ мөлтөҕө үлэни атахтыан сөбө эмиэ таарылынна. Онон саҥа систиэмэни үлэлэтэргэ, ыарахаттары көрсүбэт туһуттан маннык хабааннаах семинардар, дьоҥҥо өйдөтөр үлэлэр ыытыллаллара бары өттүнэн туһалаах буолуоҕа.

 



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

17 − 15 =

ЛЕНТА НОВОСТЕЙ