Мэҥэ Хаҥаласка Америка тустуук ыччата ыалдьыттаата (ВИДЕО)

Комментарии Спорт и культура

Поделиться:

NVK-ONLINE.RU – От ыйын 4 күнүгэр Мэҥэ Хаҥалас улууһугар АХШ Орегон штатыттан 1999-2001 сыллаах төрүөх уолаттар Мэҥэ Хаҥалас көҥүл тустууга иитиллээччилэрин кытта 12 ыйааһыҥҥа табаарыстыы көрсүһүү көбүөрүгэр ким кыахтааҕын быһаарыстылар.

Америкаттан кэлэ сылдьар ыалдьыттар маҥнай кэлээт, «Манньыаттаах» лааҕырыгар икки күн анал дьарыгы аастылар. Ыраахтан кэлбит ыалдьыттары Аллараа Бэстээххэ сахалыы сиэринэн аал-уоту оттон, айах тутан, алҕаан көрүстүлэр. Салгыы Майаҕа кыраайы үөрэтэр музейга сырытыннардылар.

Бэлиэтээн эттэххэ, 2011 сыллаахха Саха сирэ Орегон штатын кытта бииргэ үлэлэһии сөбүлэҥин түһэрсэн, анал бырайыагы үлэлэтэн, 20 оҕо иккитэ Америка холбоһуктаах штаттарыгар бара сылдьыбыттара. Онон бу көрсүһүү суолтата улахан диэн тэрийээччилэр бэлиэтииллэр.

Табаарыстыы көрсүһүүгэ 46 киилэттэн 122 киилэҕэ диэри уопсайа 12 ыйааһыҥҥа бөҕөстөр туһуннулар. 52 киилэ ыйааһыннаахтарга Иннокентий Шелканов Райан Зеллери кыайа-хото тутан, ыраас кыайыыны ситистэ.

Аллараа Бэстээххэ баар тустуу саалатыгар көрөөччүлэр тоҕуоруһа муһуннулар.

Оттон Америкаттан кэлбит ыалдьыттар астыммыттарын-дуоһуйбуттарын биллэрдилэр.

Онон табаарыстыы көрсүһүү 7:5 ахсаанынан олохтоох Мэҥэ тустуук оҕолорун туһаларыгар түмүктэннэ.



Поделиться:




Добавить комментарий

Ваш e-mail не будет опубликован. Обязательные поля помечены *

1 × три =

ЛЕНТА НОВОСТЕЙ