Мэҥэ Хаҥаласка сүппүт дьахтар өлүгүн күөлтэн буллулар

Комментарии Криминал и происшествие

Поделиться:

НВК САХА – Мэҥэ Хаҥалас оройуонугар 1970 сыллаах дьахтар өлүгүн күөлтэн буллулар. Бэс ыйын 18 күнүгэр быыһыыр сулууспаҕа эр киһи ойоҕо бэс ыйын 16 күнүгэр сарсыарда 5.00 чааска дьиэтиттэн тахсан баран, сүппүтүн туһунан тыллаабыт. Бу туһунан “СӨ быыһыыр  сулууспатын” судаарыстыбаннай хааһына тэрилтэтин уопсастыбаннаһы кытта үлэһитэ Николай Фатеев иһитиннэрдэ.

Николай Фатеев этэринэн, сарсыҥҥы күнүгэр дьаһалта, дьахтар аймахтара уонна волонтердар көрдүүр үлэни саҕалаабыттар да, дьахтары булбатахтар. Ол иһин Доллу нэһилиэгин дьаһалтата идэтийбит быыһааччылары көмөҕө ыҥырбыт.

“Дьахтары көрдүүр үлэни “СӨ быһыыр сулууспата” судаарыстыбаннай хааһына тэрилтэтин көрдүүр-быыһыыр үлэ салаатын салайааччытын солбуйааччы, норуоттар икки ардыларынааҕы ккылаастаах быыһааччы Андрей Юргин салайан ыыппыт. Көрдүүр үлэҕэ икки Камаһынан икки квадроциклы, “Рокон” мотоциклы уонна уон быһааччыны ыыппыттар”, – диэн Николай Фатеев бэлиэтээтэ.

Быыһааччылар этэллэринэн, олохтоохтор көрдөөн саҕалыылларыгар олус элбэх түгэни көтүппүттэр, ол көрдүүр үлэ хаамыытын ыспыт.

“Дьахтары көрдүү тиийбит уопуттаах быыһааччылар, бастатан туран, сүппүт дьахтар туһунан элбэх иһитиннэриини хомуйбуттар, олохтоохтору кытта кэпсэппиттэр, сапыраапкаҕа баар кэтээн көрөр камераларга дьахтар ааспытын көрбүттэр. Маны таһынан дьахтар барыан иннинэ дьиэтигэр тиһэх суругун суруйан хаалларбыт. Көрдүүр хайысха тута кыараабыт”, – диэн иһитиннэриигэ чопчуланар.

Көрдүүр үлэҕэ РОССОЮЗСПАС волонтердара эмиэ кыттыспыттар, кинилэр квадрокоптер уонна уу анныгар көрдүүр аналлаах камераны аҕалан, улахан  көмөнү оҥордулар диэн көрдүүр үлэ салайааччыта Андрей Юргин бэлиэтээтэ.

“Үгүс күөллэри видеокамера көмөтүнэн чинчийбиттэр, водолазтар уон төгүл элбэх бириэмэни ылан туран көрдүө этилэр. Суол уонна ыллык баар буолан, квадроцикл, мотоцикл үлэни чэпчэппит. Бэс ыйын 21 күнүгэр икки улахан күөлү чинчийэллэрэ хаалбыт, кэлбит аймахтары уонна доҕоттору онно ыыппыттар. Аҕыйах чаас буолан баран, күөлтэн дьахтар өлүгүн булбуттарын туһунан иһитиннэрбиттэр. Тутатына быраабы араҥаччылыыр уорган үлэһиттэрэ тиийэн, өлүгү ууттан таһааран аймахтарыгар тиэрдибиттэр”, – диэн эттэ. -яв//фа

Источник: сайт телеканала «Якутия 24».



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

три × один =

ЛЕНТА НОВОСТЕЙ