Мэҥэ Хаҥаласка «Тыа сирин тирэхтээхтик сайыннарыы» бырагыраама үлэтин билсэр хамыыһыйа үлэлээтэ (ВИДЕО)

Комментарии Экономика и сельское хозяйство

Просмотров: 24

NVK-ONLINE.RU – Ахсынньы 15 күнүгэр Мэҥэ Хаҥалас улууһугар Россия тыа хаһаайыстыбатын Министиэристибэтин территориялар сайдыыларын Департаменын салайааччытын солбуйааччыта Владимир Цой, СӨ тыа хаһаайыстыбатын миниистирин солбуйааччыта Николай Петров рабочай сырыынан үлэлээтилэр.

Хамыыһыйа маҥнай Тумул бөһүөлэгэр баар «Тумул» тыа хаһаайыстыбатын производственнай кооперативыгар сырытта. Хаһаайыстыба хайдах үлэлии-хамсыы олорорун туһунан салайааччы Таисия Десяткина билиһиннэрдэ.

Россия тыа хаһаайыстыбатын Министиэристибэтин территориялар сайдыыларын Департаменын салайааччытын солбуйааччыта Владимир Цой «Тыа сирин тирэхтээхтик сайыннарыы» государственнай бырагыраама хайдах үлэлии турарын билсэр сүрүн соруктаах. Бу бырагырааманан бүгүн улууска тыа сирин сайыннарыыга үгүс үлэлэр ыытыллаллар. Ол курдук тыа сирин гаастааһын, тыа сирин кэлимник сайыннарыыга туһуланар үгүс граннар олоххо киирэннэр, үгүс эдэр дьон, дьиэ кэргэттэр тустаах граннарга тиксэн, бэйэ хаһаайыстыбаларын тэринэллэр.

Салгыы хамыыһыйа Төҥүлү бөһүөлэгэр тиийэн, «Хоту» кооператив убойнай пуунун көрдө. Владимир Цой тыа сирин сайыннарыыга туһуламмыт бырагыраама көдьүүстээхтик үлэлээн, таһаарыылаах үлэлээх хаһаайыстыбалар баалларын сэргээтэ.

«Тыа сирин тирэхтээхтик сайыннарыы» государственнай бырагыраама киэҥ хайысхалаахтык төһүү күүс буолан, салгыы улуус атын нэһилиэктэригэр үлэлиэҕэ.



Добавить комментарий

Ваш e-mail не будет опубликован. Обязательные поля помечены *

два × 3 =