Медицина сиэстэрэлэригэр телемедицина көмөтүнэн искэҥи эмтииргэ сүбэлиэхтэрэ (ВИДЕО)

Комментарии Образование и здравоохранение

Просмотров: 54

NVK-ONLINE.RU – Мантан ыла медицина алын сүһүөх үлэһиттэрэ телемедицина көмөтүнэн искэҥ ыарыыны эмтииргэ быһаччы сүбэни-аманы ылыахтара. Республиктааҕы онкология диспансерын коллектива саҥа бырайыагы олоххо киллэрэн, бүгүн медицина сиэстэрэлэригэр быһа сибээс нөҥүө ыйан-кэрдэн биэрдэ.

Уопуттаах эмчиттэр химио-препараттары бэлэмниир уонна ыарыһахтарга хайдах биэрэр туһунан Ньурба уонна Сунтаар сиэстэрэлэригэр сиһилии быһаардылар. Билигин республикаҕа 10-тан тахса тыһыынча киһи ыараханнык ыалдьан, учуокка турар.

Ыарыахтар үксүн киин куоракка эмтэнэллэр. Онон телемедицина көмөтө улахан. Сиэстэрэлэр сүбэ-ама ылан, ыарыһахтарга күүстээх эмтэри миэстэтигэр биэриэхтэрэ. Салгыы туһааннаах бырайыак республика бары балыыһаларыгар киириэҕэ.



Добавить комментарий

Ваш e-mail не будет опубликован. Обязательные поля помечены *

19 + двенадцать =