Мииринэй оройуонугар уонтан тахса оҕо сынньанар лааҕыра үлэлиэ

Комментарии Образование и здравоохранение

Поделиться:

НВК САХА – Быйыл сайын устата «Алроса» үлэhиттэрин 4 тыhыынчаттан тахса оҕолорун сынньатар сорук турар. Мииринэй оройуонугар уонтан тахса сынньанар-чэбдигирдэр кииннэр (лааҕырдар) үлэлиэхтэрэ диэн хампаанньа пресс-сулууспата иһитиннэрэр.

Оччугуй Ботуобуйа үрэх кытылыгар (Арыылаах сэлиэнньэтиттэн арҕаа) «Орленок» оҕолору чэбдигирдэр киин 7-тэн 14-гэр диэри саастаах оҕолору сылын ахсын сынньатар. Оччугуй Ботуобуйа уутугар сөтүөлээн, араас аттракционнарга оонньоон, успуордунан дьарыктанан оҕолор сайыны умнуллубаттык атаараллар. Быйылгы сезоҥҥа 60 чаастаах английскай тылы үөрэтии куруһуога аанын тэлэччи аһыаҕа.

Чэбдигирдэр киин быйыл, буоларын курдук, үс симиэнэнэн, бэс ыйын 20 күнүттэн атырдьах ыйын бүтэһигэр диэри үлэлиэҕэ. Алмаастаах хампаанньа үлэhиттэрэ оҕолорун 21 күн «Орленокка» сынньаталларыгар баара-суоҕа 15 тыһыынча солкуобайы төлүүллэр. Оттон атын тэрилтэлэргэ үлэлиир дьоҥҥо төлөбүр 50 тыһыынча солкуобай.



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

18 + четыре =

ЛЕНТА НОВОСТЕЙ