«Мин үрдүбэр күн хаһан да киирбэт» киинэ бэстибээлгэ этэҥҥэ кыттарыгар баҕа санаа бастыҥа этилиннэ

Комментарии От редакции

Поделиться:

НВК САХА – Любовь Борисова режиссердээх “Мин үрдүбэр күн хаһан да киирбэт” диэн саҥа сахалыы киинэ аҕыйах хонугунан Москватааҕы норуоттар икки ардыларынааҕы 41-с киинэ бэстибээлигэр сүрэхтэниэ.

Режиссер Любовь Борисова уонна киинэ сүрүн артыыһа Иван Константинов Москватааҕы киинэ бэстибээлигэр бараары бэлэмнэнии үгэнигэр сылдьаллар. Аны аҕыйах хонугунан дойду тэбэр сүрэҕэр киинэлэрин аан дойдутааҕы премьерата буолуоҕа.

“Муус устар 17 күнүгэр көтөбүт. 18 чыыһылаҕа аһыллыыта буолар, онно пресса сарсыардаттан киинэни көрөр. Сарсыныгар премьерабыт буолар”, – диэн Любовь кэпсээтэ.

Маннык аан дойдутааҕы хабааннаах тэрээһиҥҥэ кыттар чиэскэ тиксибиттэрин эдэр дьон билиҥҥитэ улаханнык өйдүү иликтэр. Артыыс үөрэҕэр уһуйуллар Иван Константинов бу маҥнайгы киинэҕэ холонуута.

“Тыйаатыр оскуолатыгар уһуйуллубут буолан, сорох ардыгар мөҕүллэн эҥин, аһара “театраллыыгын” дииллэр. Ордук бастакы күннэргэ, онтон үөрэнэн, бүтэһигэр чэрдийэн барбытым”, – диир Иван. 

Киинэни бэстибээл сүрүн күрэҕэр киллэрбиттэрин “Сахафильм” продюсера Сардаана Саввина маннык сылыктаата.

“Киһи араас киинэлэртэн арыт сылайар. Бэйэм онно-манна айанныыр, көрөр-истэр буолан, үгүс дьон киһи сүргэтин көтөҕөр киинэни көрүөн баҕарар буолбуттар. Ол иһин ол эйгэҕэ таба киирбитэ буолуо диэн испэр эрэнэ саныыбын”, – диэн Сардаана бэлиэтээн эттэ.

Оттон киинэ аан дойду таһымнаах бэстибээлгэ аттаныан иннинэ Саха сирин дьонун алгыһын ылар, баҕа санааларын иҥэринэр “Самолет желаний” диэн аахсыйаны тэрийэн ыытта. Аахсыйаҕа мустубут дьон киинэ ситиһиилээхтик кыттан кэлэрин туһугар саламаҕа баҕа санаа ситимин баайдылар.

 



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

14 + 10 =

ЛЕНТА НОВОСТЕЙ