«Мин спорду таптыыбын». Хаамыы уонна сүүрүү күнүгэр Тааттаҕа флешмоб тэрийдилэр (ВИДЕО)

Комментарии Спорт и культура

Поделиться:

NVK-ONLINE.RU – Эти-сиини чэбдигирдэр хаамыы уонна сүүрүү күнүгэр Таатта дьоно-сэргэтэ тоҕуоруһа муһунна. Старт бэриллээтин кытта, бастакынан оскуола оҕолоро сүүрдүлэр. Онтон утуу-субуу улахан дьон ким сүүрэн, ким хааман, 1 км сиргэ илин-кэлин түһүстүлэр. Сүүрүү сааһыттан, дуоһунаһыттан тутулуга суох араас дьону чөл олоххо сирдээтэ. Кыттааччылар Ытык Күөлү кыйа Өксөкүлээх Өлөксөй аатын сүгэр уулуссанан стадиоҥҥа тиийдилэр.

Бастакынан биэтэккэ Ытык Күөл иккис нүөмэрдээх оскуолатын үөрэнээччитэ Владик Другин кэллэ, үөлээннээхтэрин кэккэтигэр кус быһый аатырда.

Тыһыынчаттан тахса кыттааччы этин-хаанын тэнитэн, санаалыын күөнньүрдэ, улахан да дьон оҕолору кытта тэҥҥэ сырсан, сүргэтэ көтөҕүлүннэ. Бастакынан кэлбит быһыйдары уруйдаан-айхаллаан наҕараадалары туттардылар.

Сүүрэн кэлбит дьон стадиону биир гына толордо. «Мин спорду таптыыбын» диэн флешмобка көхтөөхтүк кытынна.



Поделиться:



Добавить комментарий

Ваш e-mail не будет опубликован. Обязательные поля помечены *

десять + тринадцать =

ЛЕНТА НОВОСТЕЙ