Москва куоракка табаны иитии кыһалҕатын дьүүллэстилэр

Комментарии Экономика и сельское хозяйство

Поделиться:

НВК САХА – Москва куоракка табаһыттар кыһалҕаларын уонна хаһаайыстыбалары бөрө буулааһынын туоратар үлэҕэ туһуламмыт бүтүн дойдутааҕы научнай кэмпириэнсийэ буолла. Бу туһунан тыа хаһаайыстыбатын министиэристибэтин пресс-сулууспата иһитиннэрэр.

Дьаһалга 70 киһи – научнай сотрудниктар, Ямал, Саха сирэ, Чукотка, Приморье, Бурятия, Красноярскай кыраай зоотехниктара кытталлар.

Өрөспүүбүлүкэ дэлэгээссийэтэ дьаһалга көхтөөхтүк кыттар. Хоту сиргэ табаны иитиини сайыннарыы туһунан СӨ тыа хаһаайыстыбатын министиэристибэтин төрүт үгэстэри сайыннарар салаатын салайааччыта Иннокентий Баланов дакылаатыгар сырдатта.

Кини бэйэтин дакылаатыгар бу кэмҥэ Саха сиригэр таба иитиитэ биир сүрүн салаа буоларын иһитиннэрдэ. Ол курдук, таба төбөтүн ахсаана 135 374 тиийбит.

«Табаны иитиинэн 20 административнай оройуон уонна 1364 киһи (106 таба хаһаайыстыбата уонна ууһунан олорор общиналар) дьарыктаналлар. Сотору кэминэн 80 мөлүйүөн га сири табаны иитиигэ туһаайан баһылыахтара», — диэн Иннокентий Баланов иһитиннэрдэ.

Иннокентий Баланов СӨ бырабыыталыстыбата таба ахсаанын 2032 сыллаахха 200, 0 тыһыынча төбөҕө тиэрдэр соруктаах үлэни ыытарын бэлиэтээтэ.

 

 

 



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

два × 4 =

ЛЕНТА НОВОСТЕЙ