Москватааҕы киинэ бэстибээлигэр сахалыы киинэ көрөөччү биһирэбилин бирииһин ылла

Комментарии Главные новости, Спорт и культура

Поделиться:

НВК САХА – Режиссер Любовь Борисова “Мин үрдүбэр күн хаһан да киирбэт” диэн сахалыы киинэтэ Москватааҕы норуоттар икки ардыларынааҕы 41-с киинэ бэстибээлигэр (ММКФ) көрөөччү биһирэбилин бирииһин ылла.

Бэстибээл сүрүн куонкуруһун бастыҥ киинэтигэр куоластааһын түмүгүнэн көрөөччү биһирэбилин бирииһин биэрэллэр. Киинэ бэстибээлин үөрүүлээх сабыллыыта чэппиэр киэһэ ыытыллыаҕа.

Киинэ туһунан кылгастык эттэххэ, сүрүн дьоруойа – Алтан. Кини аҕатын кытта кыыһырсан баран, Уһук Хоту үлэлии кэлэр. Ыйы быһа иччитэх арыыга соҕотох олоруохтаах. Сотору кэминэн киниэхэ Байбал оҕонньор кыттыһар. Уол Байбал кыыһа урут сураҕа суох сүппүтүн истэр. Ол иһин Алтан кыыһы булаары, “саататар видеоблог устуох” диэн Байбалы тылыгар киллэрэр.

“Мин үрдүбэр күн хаһан да киирбэт” киинэ бэстибээлгэ кыттар киинэлэргэ маарыннаабат.  Ааспыттааҥҥы бэстибээл кыайыылааҕыттан – “Тойон кыылтан”ураты гына устубуттар.

Москватааҕы норуоттар икки ардыларынааҕы киинэ бэстибээлэ (ММКФ) аан бастакытын 1935 сыллаахха ыытыллыбыт. Оччолорго “Советский кинофестиваль в Москве” диэн ааттанара. Бастакы бэстибээлгэ жюри бэрэссэдээтэлинэн Сергей Эйзенштейн буолбут.

 

 

 

 



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

пять × два =

ЛЕНТА НОВОСТЕЙ