«Мраморнай эттээҕинэн» биллэр боруода ынах сүөһүнү Сунтаарга иитэллэр

Комментарии От редакции, Экономика и сельское хозяйство

Поделиться:

НВК САХА – Өрөспүүбүлүкэ тас өттүттэн боруода ынах сүөһүлэр Үөһээ Бүлүүгэ, Хаҥаласка, Мэҥэ Хаҥаласка уонна Сунтаарга тураллар. Сунтаарга “Кириэстээх” кэпэрэтиип Калмыкия ынах сүөһүтүн быйыл бэһис сылын кыстатта.

Тумул учаастагар уруккута элбэх сүөһү торолуйар сиригэр билигин боруода ынахтар айаатыыллар. Мэччийэ сылдьар 160 сүөһүнү “Кириэстээх” кэпэрэтиип Кутанатааҕы салаатын салайааччыта  Илья Попов соҕотоҕун көрөр.

“Манна Калмыкия ынахтара үчүгэйдик тураллар, тымныыны тулуйумтуолар. -50 кыраадыска таһырдьа аһыыллар. Онон үлэтэ даҕаны чэпчэки курдук”, – диэтэ Илья Попов.

Тымныыны тулуйумтуоларынан аатырар Калмыкия ынахтара кыһыны этэҥҥэ туораан эрэллэр. Көрүүгэ-истиигэ соччо наадыйбат боруода ынахтар ааспыт сылга төрүөхтэрэ үчүгэй. Үүтүн аҥардас оҕотугар эрэ биэрэр буолан, тарбыйахтар түргэнник улааталлар.

“Бу ынахтар уратылара диэн тарбыйахтара үс – түөрт эрэ ый бииргэ сылдьаллар. Ол кэнниттэн туһунан көрүллэллэр, улахан сүөһү курдук отунан, бурдугунан аһыыллар. Тарбыйах төрүөҕүттэн икки күн ааспытын кэннэ оту сиэн барар”, – диэн Попов бэлиэтээтэ.

Аан дойдуга “мраморнай” эттэринэн аатырар Калмыкия ынахтарын иитэр Саха сирин усулуобуйатыгар олус табыгастаах. Сылаас хотон наадата суох. Муостата, сыбаҕа суох, сарай курдук хотоҥҥо кыстыыллар.

 

 



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

восемнадцать − шестнадцать =

ЛЕНТА НОВОСТЕЙ