Муус устар 1 күнүттэн Дьокуускай таһынааҕы хайысхаларынан айанныыр оптуобуска сыана түһүө

Комментарии Общество и политика

Поделиться:

НВК САХА – Муус устар 1 күнүттэн Дьокуускайга куорат таһынааҕы бөһүөлэктэргэ диэри дьону тиэйэр-таһар «Пассажирдары таһар Дьокуускайдааҕы автотранспортнай хампаанньа» сыаната түһүө. Саҥа тарыып 2018 сыл ахсынньы 27 күнүнээҕи уурааҕынан олохтоммута.

Уокуруктааҕы дьаһалта пресс-сулууспата иһитиннэрбитинэн, былырыын куорат уокуругун экэниэмикэҕэ департамена тустаах хампаанньаны кытта саҥа тарыыбы киллэрэргэ улахан үлэни ыыппыта. Ол үлэ түмүгүнэн, куорат таһынааҕы бары хайысхаҕа уу харчынан төлүүр сыана 60 солкуобайга, «Спутник» тырааныспар-каартанан төлүүргэ 51 солкуобайга тэҥнэһиэ. Онон сорох хайысхаҕа сыана 2 төгүл түһүө. “Сыана түһүүтэ тиэйэр-таһар үлэ хаачыстыбатыгар охсуо суоҕа”, – диэн тэрилтэ салайааччыта Сергей Максимов бэлиэтиир.

Маны таһынан куорат тас өттүгэр дьону таһар оптуобустарга электроннай айанныыр билиэт киириэ. 2500 солкуобай сыаналаах билиэтинэн ый устата төһө баҕарар айанныахха сөп. Оттон нэһилиэнньэлээх пуун иһигэр маннык оптуобуска олордоххо, айан сыаната уу харчынан 28, каартанан 25 солкуобайга тэҥнэһэр. Социальнай каартанан чэпчэтии оннунан хаалар.

Бүгүҥҥү күҥҥэ Дьокуускай таһынааҕы хайысхаларга күннэтэ 31 оптуобус тахсар.

 

 



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

семь + один =

ЛЕНТА НОВОСТЕЙ