Намҥа УАЗ массыынаны сатабыллаахтык ыытарга тыҥааһыннаах күрэх буолла (ВИДЕО)

Комментарии Спорт и культура

Просмотров: 109

NVK-ONLINE.RU – Нам улууһун Хамаҕатта нэһилиэгин Быһыттаах сайылыгар  олох-дьаһах хомунаалынай хаһаайыстыба Үтүөлээх үлэһитин, бэтэрээн суоппар Сергей Балаганскай аатын үйэтитэр «УАЗ Экстрим» аһаҕас күрэх буолла.

Былырыын сабыылаах күрэххэ 14 массыына кыттыбыт буоллаҕына, быйыл аһаҕас турнирга уопсайа 35 экипаж кэлэн, чаҕылхай айаны көрдөрдө. Хамаҕатта нэһилиэгин Быһыттаах сайылыгын киэҥ нэлэмэн алааһа тэрээһин ыытылларыгар табыгастаах буолан биэрдэ.

Маҥнай 3 буолан кэккэлэһэ, орулуур мотуордаах УАЗиктар хаары көтүтэ, кэннилэринэн айаҥҥа түһүннүлэр. Суоппар сатабылын көрдөрөр түһүмэххэ трасса суола тэпсиллэн, тимир көлө батыллыбыт түгэнэ үгүһэ.

Тыҥааһыннаах күрэххэ бары кыттааччылар киэҥ алаас тула эргийэннэр, араас өҥнөөх мээчиктэри хомуйан аҕаллылар. Салгыы көрөөччүлэр сүргэлэрин көтөҕөр тоҥуу хаары тоҕута көтөн куоталаһыыга карбюратордаах массыыналарга «Армада» Нам улууһун экипаһа бастаата, инжекторнай мотуордаахтар кэккэлэригэр биэдэккэ маҥнайгынан «Урааҥхай» Мэҥэ Хаҥалас уолаттара тиийэннэр, кыайыы өрөгөйүн биллилэр. Күрэҕи түмүктүүр, муҥутуур кыайыылааҕы быһаарар «Супер-экстримҥэ» эмиэ Мэҥэ Хаҥаластан сылдьар «Манчаары» экипаһа үрдүк чыпчаалга таҕыста.

«Манчаары» экипаһын эдэр уолаттара бэйэлэрин дойдуларыгар, Мэҥэ Хаҥаласка, буолбут “Хаар айан” күрэҕэр халтай кыттыбыт буоллахтарына, Эҥсиэли хочотугар кэлэннэр, кыайыыны ситистилэр.



Добавить комментарий

Ваш e-mail не будет опубликован. Обязательные поля помечены *

5 × пять =