Киһи хараҕын баайар тэттик роликтары оҥорор ураты дьарыктаах уол (ВИДЕО)

Comments (1) Общество и политика

Просмотров: 303

NVK-ONLINE.RU – Нам улууһугар Киинэ сылыгар ыытыллыбыт «Бастыҥ операторскай үлэ» уонна «Инновационный дебют» үрдүк ааттар хаһаайына, I Хомустаах нэһилиэгин орто оскуола 9 кылааһын үөрэнээччитэ Саша Копырин видеону монтажтыыр программаны баһылаан, киһи сөҕүөх тэттик роликтары оҥорон таһаарар.

Зак Кинг киһи хараҕын баайар фокустара Аан дойду Интернетин биир гына аймаан, үгүс киһини сөхтөрбүтэ. Оттон кинини сырдык холобур оҥостубут Саша Копырин ураты дьоҕура арыллан, сыл иһигэр үгүс көрдөөх-нардаах роликтары чочуйан таһаарда. Бу суолга бигэтик үктэнэригэр, компьютерга видеону монтажтыыр программаны баһылыырыгар убайдара угуйбуттар.

Эдэр кэскиллээх саха уолчаана бастакы саҕалааһыныгар илиитигэр сотовой телефоннаах эрэ этэ. Билигин бииргэ төрөөбүт убайа быһаччы өйөөһүнүнэн, вайнарын профессиональнай фотоаппаракка устаат, салгыы Adobe After Effects программатыгар тэттик киинэтин чочуйан таһаарар. Саша видеофокустарыгар: ньуоска салгыҥҥа уйдаран туран бэйэтэ аһатар, футбольнай мээчик киһигэ кубулуйар о.д.а. Күнтэн күн сайдан иһэр роликтарын устарга доҕотторо-атастара өйөбүл буолаллар.

Саҥалыы тыыннаах идеялары Ютубтан эбэтэр Инстаграмҥа баар омук табаарыстарыттан ылар. Номнуо Интернет ситимигэр олорор саха дьоно хайҕабылтан ураты Сашаны аатырбыт Зак Кингы кытары тэҥнииллэр. Дэгиттэр талааннаах уол дьарыга манан бүппэт, иллэҥ кэмигэр спордунан дьарыктанар маны тэҥэ хомуһунан оонньуурун сөбүлүүр.



One Response to Киһи хараҕын баайар тэттик роликтары оҥорор ураты дьарыктаах уол (ВИДЕО)

  1. Алеесандр:

    Молодец!!!

Добавить комментарий

Ваш e-mail не будет опубликован. Обязательные поля помечены *