Нам киэҥ нэлэмэн алааһыгар тыа хаһаайыстыбатын тутуулара дьэндэйэллэр

Комментарии Экономика и сельское хозяйство

Просмотров: 29

НВК САХА – Нам улууһун Хамаҕатта уонна Никольскай нэһилиэктэр икки ардыларыгар хас эмэ тус сыаллаах бырагыраама салҕанар.

Тыа хаһаайыстыбатын тустаах үлэһиттэрэ сөптөөх сыал-сорук туруораннар, билигин бу манна киэҥ нэлэмэн хонуулаах алааска уот тардылынна, күөх төлөн ситимэ оннун булан эрэр. Номнуо хас да тутуу дьэндэйдэ, былырыын ынах сүөһүнү таҥастыыр сыах аанын арыйбыта, маны тэҥэ сүүнэ улахан оҕуруот аһын харайар дьиэ силигин ситэр.

Хас даҕаны хайысханан сайдар сиргэ агрокластер эмиэ киирдэ. 2 хотонтон биирдэстэрэ – 1992 сыллааха тэриллибит “Сэргэ” бааһынай хаһаайыстыба киэнэ. Онно 70-ан тахса төбө ынах турар, билиҥҥи ирдэбилгэ хотон толору эппиэттиир.

Уутуттан-хаарыттан саҕалаан барытынан хааччыллыбыт, арай гаһа быйыл киирэрэ хаалбыт. Хороҕор муостаах мэччийэр сирэ аҕыйах хардыы турар, тахсааты кытта – эбиэс ыһыллар бааһына. Эбиитин үлэһиттэргэ анаан 3 кыбартыыралаах дьиэни туппуттар.

Оттон хаһаайыстыба хаһаайына, фермер Владимир Герасимов хотонугар быйыл ынахтарын кыстатар санаалаах.

Владимир этэринэн, ыччат тыа хаһаайыстыба үлэтигэр охтубат. Ити төрүөтүнэн билигин киниэхэ үлэлээччилэр 50-тан, 60-тан тахсыбыттар.



Добавить комментарий

Ваш e-mail не будет опубликован. Обязательные поля помечены *

16 + 7 =