Нам прокуратурата тэриллиэҕиттэн дьон-сэргэ туһугар сыралаах, эппиэтинэстээх үлэни тэрийэр (ВИДЕО)

Комментарии Общество и политика

Просмотров: 35

NVK-ONLINE.RU – Нам улууһун прокуратуратын коллектива тэриллиэҕиттэн күн бүгүҥҥэ диэри түбүктээх, сыралаах, эппиэтинэстээх үлэтинэн дьон-сэргэ туһугар үлэлии-хамсыы сылдьар.

Прокуратора үлэтин хайысхата киэҥ. Дьоҕус коллектив бүгүҥҥү күҥҥэ 3 оперативнай үлэһиттээх. Быраабы харыстыыр уорган үлэһиттэригэр күннэтэ үгүс дьыала көбүтүллэр, көрүллэр. Биир кэрэхсэбиллээҕэ диэн оройуон прокуратурата ветеран үлэһиттэрин кытта мэлдьи сибээстээх.

Бириэмэни аахсыбат, үлэ чааһынан муҥурдаммат сокуон тустаах үлэһиттэрэ саҥа сылга үктэнээт, хас да дьыаланы көрдүлэр. Коллектив эдэр үлэһитэ – прокурор көмөлөһөөччүтэ Варвара Трофимова идэлээх да күнүгэр эбээһинэһин толорон, гражданскай дьыаланы көрөр. Маны тэҥэ коллектив профилактическай үлэҕэ итиэннэ сокуону нэһилиэнньэҕэ быһаарыыга эмиэ туспа хайысха быһыытынан болҕомто ууран үлэлиир.

Дьон быраабын көмүскүүргэ анаммыт прокуратура уорганнарын таһаарыылаах үлэтин сыыппаралар туоһулууллар. Бу курдук үлэнэн хас биирдии киһини долгутар сокуон, быраап үтүө дьыалатын саллааттара үтүө дьыала туһугар норуокка сулууспалыыллар.



Добавить комментарий

Ваш e-mail не будет опубликован. Обязательные поля помечены *

четыре × 5 =