“Нам” телевидениетэ көрөөччүлэрин кытта бииргэ 25 сыл

Комментарии От редакции

Просмотров: 21

NVK-ONLINE.RU –  Бу күннэргэ “Саха”  национальнай көрдөрөр иһитиннэрэр хампаанньа  өссө биир филиала үбүлүөйүн бэлиэтээтэ. Ол курдук, Намнааҕы  телестудия 25 сылын туолла. Улууска телестудия тэриллиитин историятын сэгэтэн көрөр буоллахха, Намнааҕы филиал 1991 сыллаахха балаҕан ыйын 11 күнүгэр Саха АССР үрдүкү президиумун, Нам улууһун депутаттарын Сэбиэтин уурааҕынан тэриллибитэ. Оччолорго  бастакы дириэктэринэн Иннокентий Захарович Кривошапкин анаммыта.

Телестудия общественноһы , тэрилтэлэри кытта ыкса сибээстэһэн  үлэ тэтимнээхтик саҕаламмыта. Телевидение үлэтигэр технологическай сайдыы күүстээхтик олоххо киирэн, студия үлэтин өссө таһаарыылаах үлэҕэ кынаттаабыта.

2000 сылларга Нам филиала республикаҕа бастакынан сыыппаранан тэрилгэ көһөн, сонуннары, араас биэриилэри бэлэмнииргэ хаачыстыба өттүнэн сайдарыгар төһүү күүс буолбут. Студия техническэй өттүнэн сайдыыта, саҥардыыта ол саҕанааҕы филиал салайааччыта Гаврил Петрович Шишкин өҥөтүнэн буолбут. Бүгүҥҥү күҥҥэ студия 6 үлэһиттээх. 2015 сылтан Саха национальнай көрдөрөр иһитиннэрэр хампаанньа Намнааҕы филиалын студиятын салайааччытынан Иннокентий Александрович Кривошапкин айымньылаахтык  үлэлиир.

Нам телевидениетиттэн үүнэн-сайдан тахсыбыт суруналыыстар, редактордар, салайааччылар – билигин республикаҕа киэҥник биллэр дьон, үлэлээбит сылларын иһирэх тылларынан ахтан, сырдатан аастылар.

 

“Саха” НКИК генеральнай дириэктэрин бастакы солбуйааччыта Олег Марков филиал салайааччытыгар Иннокентий Кривошапкиҥҥа массыына ылалларыгар 300 тыһыынчалаах сертификат туттарда. Итиэннэ “Саха” НКИК-тан, улуус дьаһалтатыттан филиал үлэһиттэрэ Бочуотунай грамоталарынан, махтал суруктарынан, анал бэлиэлэринэн наҕараадаланнылар.

25 сыл тухары “Нам” телевидениетэ айар үлэтэ өрүү үрдүк таһымнаах. Түргэн туттуулаах-хаптыылаах коллектив улуус сүрүн соннуннарын, тутаах боппуруостарын, араас биэриилэри уста охсон, күннэтэ республика каналыгар нэһилиэнньэ киэҥ араҥатыгар таһаара тураллар.

 



Добавить комментарий

Ваш e-mail не будет опубликован. Обязательные поля помечены *