Нам улууһа халаан уутун этэҥҥэ аһарарга бэлэмнэнэр

Комментарии Общество и политика

Поделиться:

НВК САХА – Халаан уутугар бэлэмнэнии боппуруоһугар, Өрөспүүбүлүкэтээҕи ыксаллаах-быһыы майгы хамыыһыйатын мунньаҕа Нам улууһун дьаһалтатыгар буолан ааста. Бу туһунан улуус дьаһалтатын пресс-сулууспата иһитиннэрэр. Хамыыһыйа бэрэссэдээтэлин солбуйааччы, СӨ бырабыыталыстыбатын бэрэссэдээтэлин бастакы солбуйааччы Алексей Колодезниковка, улуус баһылыга Юрий Слепцов халаан уутугар бэлэмнэнии туһунан сиһилии сырдатта.

Алексей Колодезников, быйыл муус лаппа халыҥын, өрүстэн чугас сытар нэһилиэктэр дьиэлэрэ ууга былдьанар кутталлара улаханын ыйда.

«Мууһу хараардыы, быһыты бөҕөргөтүү үлэлэрэ кэмигэр түмүктэниэхтээхтэр. Быстах кэмҥэ дьон олорор пууннара толору хааччыллан сөптөөх усулуобуйа тэриллиэхтээх. Маны тэҥэ булчуттар бу кэмҥэ бултуу тахсыбаттарын курдук өйдөтүү үлэтэ күүскэ барыахтаах », — диэн кини тоһоҕолоон эттэ.

Бу кыһалҕаны нэһилиэнньэ өйдөөн, халаан уута ааһыар диэри дьиэлэригэр олороллоро ирдэнэр – диэн исписэлиистэр сүбэлииллэр.

Боппуруос үөскүүр түгэнигэр биир кэлим диспетчерскэй сулууспа нүөмэригэр эрийэн билсиэххитин сөп.

ЕДДС: 42-5-08,         Экстреннай номер – 112



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

15 + 3 =

ЛЕНТА НОВОСТЕЙ