Нам улууһугар Саха сирин бырабыыталыстыбатын отчуота ыытыллар

Комментарии Общество и политика

Поделиться:

НВК САХА – СӨ бырабыыталыстыбатын отчуота Нам улууһугар олунньу 11 күнүгэр саҕаламмыта. Үлэлиир бөлөҕү сыана бэлиитикэтин судаарыстыбаннай кэмитиэт бэрэссэдээтэлэ Антонина Винокурова салайар. Бөлөххө култуура уонна духуобунай сайдыы миниистирэ Юрий Куприянов уонна ыччат дьыалатыгар уонна социальнай коммуникацияларга миниистир Степан Саргыдаев үлэлииллэр. Отчуот бастакы күнүгэр Бөтүҥ, Аппааны, Салбан, Искра, Фрунзе, Көбөкөөн, Арбын нэһилиэктэригэр сырыттылар.

Олохтоохтор отчуокка көхтөөхтүк кытыннылар. Ол курдук сыана тарыыбын, доруобуйа харыстабылын, тыа хаһаайыстыбатын, социальнай өйөбүл, ыччат бэлиитикэтин, олорор дьиэни тупсарыы миэрэлэрин туһунан ордук ыйыттылар.

Бөтүҥ нэһилиэгин олохтоохторо сэрии оҕолоругар социальнай төлөбүр туһунан ыйыттылар. Үгүс дьон маннык төлөбүрү биэрэр усулуобуйалары сөбүлээбэт эбит, тоҕо диэтэххэ, хас да төлөбүрү тэҥинэн ылбаттар.

Маны таһынан олохтоохтор саҥа оскуола тутуутун күүтэллэр. Оскуолалара 1954 сыллаахха тутуллубут. Бырабыыталыстыба бөлөҕө эппитинэн, Хамаҕатта нэһилиэгэр аан бастакынан оскуола тутуллуоҕа. Бу 2020-2021 сылларга болдьохтоммут инвестиция бырагырааматыгар киирэн турар.

2019 сыллаахха Бөтүҥ нэһилиэгэр уу турбатын ыытар былааннаахтар. Онно шлюз тутуллара тоҕоостоох.

Нам улууһугар Кыһыл дэриэбинэттэн Хатырык нэһилиэгэр диэри суол учаастага асфалынан бүрүллүө. Суол үс түһүмэҕинэн асфалланыа. 2019 сылтан саҕалаан, бастакы түһүмэххэ Бөтүҥ нэһилиэгэр диэри тиийиэ. Үлэ 2021 сылга түмүктэниэ.

Аппааны нэһилиэгин олохтоохторо эр дьон уопсастыбаннай хамсааһынын тэрийэр туһунан тыл көтөхтүлэр. Нэһилиэккэ култуура киинэ суоҕа сүрүн кыһалҕаларыттан биирдэстэрэ буолар. Култуура киинэ эрдэ умайбыт.

СӨ бырабыыталыстыбатын отчуота Дьокуускайга кулун тутар 15 күнүгэр түмүктэниэҕэ.

 



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

14 + 5 =

ЛЕНТА НОВОСТЕЙ