Намыһах хамнастаах дьон НДФЛ-тан босхолонуон сөп

Комментарии Общество и политика

Поделиться:

НВК САХА – Арассыыйа намыһах хамнастаах дьонун физическэй сирэйдэр дохуоттарын нолуогун (НДФЛ) төлүүртэн босхолуохтарын сөп. Бу туһунан үлэ-социальнай сыһыаннаһыыны сүрүннүүр Үс өрүттээх хамыыһыйаҕа сигэнэн, “Известия” иһитиннэрэр.

Үлэ кодексатын быһыытынан, үлэни биэрээччи хамнас алын кээмэйиттэн намыһах сууманы үлэһиккэ төлүөх суохтаах. Ол тиийинэн олоруу кээмэйигэр – ортотунан 11,3 тыһыынча солкуобайга тэҥнэһэр. Маныаха  НДФЛ төлөөбүт кэннэ үлэһит баара-суоҕа 9,8 тыһыынча солкуобайдаах хаалар. Оннук түгэҥҥэ кини дохуота тиийинэн олоруу кээмэйиттэн намыһах буолар.

Ол быһыытынан 13 тыһыынча солкуобайтан кыра хамнастаах дьон тустаах нолуогу төлүүртэн босхолонуон сөп. Росстат сыыппарата туоһулуурунан, бүгүҥҥү күҥҥэ 13,8 тыһыынча солкуобай суумалаах хамнаһы 11 мөлүйүөн кэриҥэ киһи ылар.

Экиспиэртэр тустаах миэрэни сөптөөҕүнэн сыаналыыллар эрээри, бу түгэҥҥэ “сиэрэй” хамнас өлүүскэтэ улаатыан сөбүн сэрэтэллэр.

Үп уонна Үлэ министиэристибэлэригэр Үс өрүттээх хамыыһыйа бу этиитигэр хоруй биэрэ иликтэр.

 



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

четырнадцать − шесть =

ЛЕНТА НОВОСТЕЙ