Нерюнгри оройуонугар оҕо тэрилтэлэригэр сымыыты туттары хааччахтаатылар

Комментарии Криминал и происшествие

Поделиться:

НВК САХА – Нерюнгри оройуонугар сальмонеллез – оһоҕос инфекциятын биирдэ булбуттарын кэннэ Нерюнгритааҕы көтөр фабрикатын сымыыттарын оҕо тэрилтэлэригэр туттары хааччахтаатылар. Көтөр фабрикатыгар чинчийии ыытыллар.

“Нерюнгритааҕы көтөр фабрикатын дириэктэрэ этэринэн, бэтэринээринэй сулууспа уонна лаборатория бигэргэппит хонтуруол ыытар былаанынан, ыйга иккитэ көтөр сымыытыттан уонна этиттэн боруоба ылыллар. Ол курдук олунньу 2 күнүгэр ылыллыбыт боруобаларга инфекция суох, оттон 19 чыыһылаҕа ылыллыбыттарга түмүк биллэ илик”, – диэн туһанааччылар бырааптарын уонна киһи чэгиэн олоруутун харыстыыр эйгэни кэтээн көрөр федеральнай сулууспа (Роспотребнадзор) Нерюнгритааҕы салалтатын салайааччыта Сергей Воробьев эттэ.

Лаборатория анализтарын түмүктэрэ аныгыс нэдиэлэҕэ бэлэм буолуохтара. Көтөр фабрикатын генеральнай дириэктэрэ Егор Макаров эппитинэн, тэрилтэ үлэһиттэрэ бары куруук көрдөрүнэллэр уонна санитарнай киниискэлээхтэр.

Нерюнгритааҕы көтөр фабриката күн аайы 100 тыһыынча сымыыты биэрэр, ыйга 2,5 мөлүйүөҥҥэ тэҥнэһэр. Бородууксуйаны өрөспүүбүлүкэ үрдүнэн тарҕаталлар, сүрүн атыылаһааччы Дьокуускай уонна илин эҥээр улуустара, сорох чааһа Нерюнгри улууһугар хаалар.

 



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

четыре + шесть =

ЛЕНТА НОВОСТЕЙ