12 киһини уопсай дьиэҕэ тахсыбыт баһаартан быыһаатылар

Нерюнгри оройуонун Серебряный Бор бөһүөлэгэр икки этээстээх уопсай дьиэ умайыытыгар 12 киһини быыһаатылар. Бу туһунан Россия ыксаллаах-быһыыга майгыга министиэристибэтин өрөспүүбүлүкэтээҕи салаатын пресс-сулууспата иһитиннэрэр.

«Баһаар тахсыбытын туһунан иһитиннэрии баһаарынай чааска олунньу 1 күнүгэр олохтоох бириэмэнэн түүн 01.38 чааска киирбит. Баһаарынайдар  саахал тахсыбыт сиригэр тиийиилэригэр дьиэ иккис этээһэ уотунан хабыллыбыт», — диэн этиллэр.

Баһаар түмүгэр 220 квадратнай миэтэрэ иэннээх сиргэ үс подъезд уонна дьиэ һарайа эмсэҕэлээтэ. Икки киһини Нерюнгри оройуонун киин балыыһатыгар киллэрбиттэрэ бэлиэтэнэр.

Баһаар тахсыбыт биричиинэтинэн уоту сэрэҕэ суохтук тууттуу ааттанар. Хоромньу кээмэйэ быһаарыллар.