150 оҕо уһуйаанын иитиллээччитэ «Кросс нации» кытынна

Дьокуускайдааҕы «Умка» оҕо уһуйаанын 150 иитиллээччитэ, уһуйаан иһинэн тэриллибит «Кросс нации» күрэхтэһиигэ кытынна. Бу туһунан «Саха сирин спордун» портала иһитиннэрэр.

Спортивнай бырааһынньык оскуолаҕа киириэн иннинээҕи саастаах оҕолорго, Роспотребнадзор ирдэбилин уонна санитарнай нуорманы барытын тутуһан ыытылынна. Хас биирдии сааһынан бөлөх анал бириэмэҕэ, атын бөлөх оҕотун кытта алтыспакка сүүрдэ.

«Тыҥааһыннаах күрэхтэһии буолан ааста. Хас биирдии кыттааччыны ытыс тыаһынан көрүстүлэр. Кыайыылаахтар кыһыл лиэнтэнэн уонна бириистэринэн наҕараадаланнылар», — диэн иһитиннэриигэ этиллэр.

Иитиллээччилэр уопсайа 250 миэтэрэ уһуну сүүрдүлэр. Кыттааччылар бары мэдээлинэн уонна өйдөбүнньүк бэлэхтэринэн наҕараадаланнылар.