16 тыһ. тахса элбэх оҕолоох дьиэ кэргэн чэпчэтиилээх айанынан туһанна

2019 сыллаахха бырагыраама олоххо киириэҕиттэн чэпчэтиилээх айаҥҥа билиэтинэн 16 тыһыынчаттан тахса элбэх оҕолоох дьиэ кэргэн туһанна. Бу туһунан СӨ үлэҕэ уонна социальнай сайдыыга министиэристибэтин пресс-сулууспата иһитиннэрэр.

2019 сыл бэс ыйыгар элбэх оҕолоох (ол иһигэр устудьуоннуу, эбэтэр сулууспалыы сылдьар 23-гэр диэри саастаах оҕолоох) дьиэ кэргэн аатын сүгүү туһунан сокуон ылыллыбыта.

«Якутия» авиа хампаанньа иһитиннэрэринэн, өрөспүүбүлүкэҕэ сокуон ылыллыбыт кэмиттэн 11 тыһыынчаттан тахса элбэх оҕолоох төрөппүт көттө.

«Сокуон олоххо киирииитинэн, биллэр-көстөр түмүк, күүтүллүбүтүн курдук, федеральнай бүддьүөттэн үбүлэнэр, Уһук илин маршрутунан чэпчэтиилээх таһыынан туһаммат устудьуон оҕолоох, элбэх оҕолоох дьиэ кэргэҥҥэ көһүннэ», — диэн СӨ үлэҕэ уонна социальнай сайдыыга миниистирэ Елена Волкова иһитиннэрдэ.

2020 сыл саҕаланыыта өрөспүүбүлүкэҕэ 29 тыһыынча элбэх оҕолоох дьиэ кэргэн баар, ол иһигэр биэс тыһынчаттан тахса — Дьокуускайга. Өскөтүн 2019 сыллаахха үһүс уонна онтон үөһэ оҕо төрөөһүнэ уопсай төрөөһүн ахсааныттан 36 % буоллаҕына, 2020 сыл тохсунньуттан алтынньыга диэри 40 % тэҥнэстэ.