18 тыһ. киһи COVID-19 утары толору вакцинацияны ааспыт

Саха сирин 18 тыһыынча кэриҥэ олохтооҕо COVID-19 инфекциятын утары вакцинация иккис түһүмэҕин ааспыт. Бу туһунан өрөспүүбүлүкэтээҕи суһал штаб иһитиннэрэр.

«Олунньу 22 күнүн туругунан өрөспүүбүлүкэҕэ 35 820 киһи COVID-19 инфекциятын утары вакцина бастакы компоненын ылбыт, ол иһигэр бүтэһик сууккаҕа — 404 киһи. Вакцинация иккис түһүмэҕин 17 877 киһи ааспыт, ол иһигэр ааспыт сууккаҕа – 528 киһи», — диэн этиллэр

Саха сиригэр 44 медицинскэй тэрилтэҕэ 156 вакцинациялыыр пуун үлэлиир уонна 110 мобильнай биригээдэ тэриллибит.