2,2 тыһыынчаттан тахса киһи коронавирустан быһыыны ылла

Тохсунньу 17 күнүнээҕи туругунан, өрөспүүбүлүкэҕэ коронавирустан быһыыны уопсайа 2203 киһи ылла.

Бу туһунан бэйэтин Telegram-ханаалыгар өрөспүүбүлүкэтээҕи суһал штаб салайааччытын солбуйааччы Ольга Балабкина иһитиннэрдэ. Маны таһынан ревакцинацияны 574 киһи ааста.

Билиҥҥи туругунан, быһыы Аммаҕа, Үөһээ Бүлүүгэ, Бүлүүгэ, Горнайга, Мэҥэ Хаҥаласка, Миирнэйгэ, Намҥа, Ньурбаҕа, Сунтаарга, Тааттаҕа, Уус Алдаҥҥа, Хаҥаласка уонна Чурапчыга оҥоһуллар.

Санатан эттэххэ, өрөспүүбүлүкэҕэ SARS-CoV-2-тан үөскээбит инпиэксийэни сэрэтэр 5 242 доза вакцина кэлбитэ.