2 тыһ. тахса төрөппүт «Кэлэр кэмҥэ билиэт» платформаҕа бэлиэтэннэ

РФ бэрэсэдьиэнэ Владимир Путин көҕүлээбит «Үөрэҕирии» национальнай бырайыак чэрчитинэн, «Кэлэр кэмҥэ билиэт» платформаҕа 2 тыһыынчаттан тахса төрөппүт бэлиэтэннэ. Бу туһунан СӨ Үөрэҕин уонна наукатын министиэристибэтин пресс-сулууспата иһитиннэрэр.

Кинини «Эдэр профессионаллар (Россиятааҕы Ворлдскиллс)» сойууһа онлайн көрүҥүнэн, орто уонна үрдүкү сүһүөх үөрэнээччилэрэ инники идэлэригэр эрдэттэн бэлэмнээх буолалларын ситиһэр сыаллааах үлэлэтэр.

«Уруоккут иһин барҕа махтал. Оҕом барытын бэйэтэ оҥордо уонна онтон астынна. «Кэлэр кэмҥэ билиэт» бырайыак көмөтүнэн оҕо араас идэни боруобалаан көрөр кыахтаах. Онтон сиэттэрэн кини инники олоҕор ханнык идэни таларын быһаарынар», — диэтэ Уус Алданнааҕы техникумҥа холонон көрбүт, Москва куораттан сылдьар алтыс кылаас үөрэнээччитин төрөппүтэ Надежда Мясникова.

Тус кэбиниэккэ төрөппүт оҕотун сайдыытын кэтээн көрүөн, оҕоҕо туһуламмыт сүбэлэри ааҕыан уонна сатабылга тэрээһиннэри болдьоһуон сөп. Маны таһынан, сэтинньигэ үөрэтэр видео куурустар баар буоллулар. Онно исписэлиистэр идэ туһунан оҕону кытта табатык кэпсэтии, тус быһаарыыны ылыныы туһунан кэпсииллэр.

«Кэлэр кэмҥэ билиэт» бырайыак 2018 сылтан үлэлиир. Манна 6-11 кылаас үөрэнээччилэрэ кытталлар, идэҕэ дьоҕур теһин уонна практическай тэрээһиннэри ааспыттарын кэннэ тус үөрэнэр былаан оҥоһуллар.

2020 сылга Россия 80 региона тэрээһини ыытар былаһаакканы көрдө, бырайыак платформатыгар 315 тыһыынча төрөппүт бэлиэтэннэ.