20 тыһ. тахса оскуола оҕото дистанционно үөрэнэр буолла

Тумуулаабыт (ОРВИ) уонна грипптээбит оҕо ахсаана элбээбитинэн сибээстээн, Дьокуускай куорат 44 оскуолата дистанционно-очнай үөрэтиигэ көстө. 20 тыһыынчаттан тахса оҕо дистанционно үөрэнэр буолла. Бу туһунан куорат уокуругун дьаһалтатын пресс-сулууспата иһитиннэрэр.

«Тумуу (ОРВИ) уонна грипп күүскэ тарҕаныытынан сибээстээн, алтынньы 12 күнүн туругунан киин куорат 27 оскуолата дистанционнай үөрэтиигэ көстө», — диэн этиллэр.

Бүгүҥҥү күҥҥэ барыта 42 701 оҕо үөрэнэр 44 оскуолаҕа дистанционно-очнай үөрэтии тэрилиннэ. Олортон 21 176 оҕо дистанционно үөрэнэр, 21 525 — очно. Киин куорат сэттэ оскуолата: 32-с №-дээх, 4-с №-дээх, 22-с №-дээх, 28-с №-дээх, 34-с №дээх оскуолалара, ону тэҥэ Техническэй лицей, Оҕо айымньытын дыбарыаһа уонна коррекционнай оскуола очно үлэлииллэр.

Инники этиллибитинэн, Дьокуускай куоракка 21 тыһыынча кэриҥэ оскуола үөрэнээччитэ грипп уонна тумуу утары быһыы ылыбыт.