200 кэриҥэ оскуола очнай көрүҥүнэн үлэлиир

Өрөспүүбүлүкэҕэ 193 оскуола очнай көрүҥүнэн үлэлиир. Бу туһунан СӨ Үөрэҕин уонна наукатын министиэристибэтин пресс-сулууспата иһитиннэрэр.

«193 оскуола очнай көрүҥүнэн үлэлиир, очно уонна кэтэхтэн — 356, дистанционно — 92. Күн-дьыл туругунан 263 оскуолаҕа (2 098 кылаастарга) актированнай күн биллэрилиннэ, үөрэтии дистанционно ыытыллар», — диэн иһитиннэриигэ этиллэр.

26 тэрилтэ сабылынна, 81 кылаас дистанционнай үөрэтиигэ көстө. Коронавируһунан ыалдьыы баара бэлиэтэммитинэн 77 кылаас сабыылаах, түөрт кылаас ОРВИ уонна грипп көрдөрүүтэ үрдээбитинэн. Ол курдук, Дьокуускайга 59 кылаас сабылынна; Нерюнгрига — тоҕус; Алдаҥҥа — аҕыс; Сунтаарга, Хаҥаласка, Кэбээйигэ, Намҥа уонна Ленскэйгэ — биирдии кылаас.