2019 сылга Саха сиригэр инвестиция кээмэйэ 421 млрд. сол. тэҥнэстэ

Быйылгы сылга Саха сиригэр инвестиция кээмэйэ 421 миллиард солкуобайга тэҥнэһэр. Бу туһунан экономика миниистирэ Майя Данилова киэҥ ыҥырыылаах коллегия мунньаҕар иһитиннэрдэ. Мунньахха инвестицияҕа туһуламмыт Ил Дархан 2019 сыллааҕы соруктарын олоххо киллэрии туһунан дьүүллэстилэр.

Докумуоҥҥа олоҕуран  кэлэр сылларга инвестицияны өссө улаатыннарарга, бары өттүнэн табыгастаах биир ситим олохтонуохтаах. Оччоҕуна саҥа экономиканы олохтуурга уонна регион сайдыытыгар, дьон олоҕо тупсарыгар, инники күөҥҥэ тахсарга төһүү буолуохтаах.

Тустаах министиэристибэ иһитиннэрбитинэн ааспыт сыллааҕар 18 миллиард солкуобайынан элбэх үбү киллэрбиттэр. 2024 сылга диэри саҥа инвестиционнай бырайыактарга 500 миллиард солкуобайы киллэрэр сорук турар.