2019 сылга Саха сирин олохтоохторун дохуота 2 % кэриҥэ үрдээтэ

2019 сыл түмүгүнэн өрөспүүбүлүкэ олохтоохторун дохуота 2 % кэриҥэ үрдээбитин туһунан Ил Дархан Айсен Николаев Ил Түмэн иннигэр дакылаатыгар иһитиннэрдэ.

«Бу бастакы көрүүгэ кыра сыыппара — өрөспүүбүлүкэ 6,5 тыһыынча нэһилиэнньэтин олоҕун уйгута тупсубутун туоһулуур», — диэн Айсен Николаев эттэ.

Маны тэҥэ Саха сиригэр тиийиммэт дохуоттаах нэһилиэнньэ ахсаана 1%-нан намтаабытын бэлиэтээтэ.

Бу көрдөрүү 2019 сылга оҕолоох дьиэ кэргэттэргэ көрүллүбүт эбии көмө миэрэлэрин олохтооһун, нолуокка чэпчэтиилэрин киллэрии туһунан сокуон барылын ылыы, ону сэргэ урбаанынан дьарыктанар дьону уонна дьарыктаах буолууну өйөөһүҥҥэ ыытыллыбыт үлэ түмүгэ буоларын Ил Дархан тоһоҕолоото.